Մոսկվայի բժիշկները առանց հարազատների թույլտվության հանել են մահացած ուսանողուհու սիրտն ու երիկամները: Այդ մասին հայտնում է LifeNews-ը:
Աղբյուրի փոխանցմամբ՝ 19-ամյա Ալինա Սաբլինան մահացել է 2014թ. հունվարին՝ ավտովթարի հետեւանքով: Ուսանողուհուն տեղափոխել են հիվանդանոց՝ ծանրագույն գանգուղեղային վնասվածքով:
Իրենց աղջկա մահվան մասին ծնողներն իմացել են սգո գործակալից, ով առաջարկել է աղջկա մարմինը Եկատերինբուրգից տեղափոխել 170 հազար ռուբլով: Միայն աղջկա մահվանից մեկ ամիս անց աղջկա հարազատները, ծանոթանալով ճանապարահատրանսպորտային պատահարի գործով նյութին, դատաբժշկական փորձագետի եզրակացության մեջ տեսել են, որ հիվանդանոցում հանել են աղջկա սիրտն ու երիկամները:
Քննչական կոմիտեի ներկայացուցիչները բժիշկներին պատասխանատվության ենթարկելու հիմքեր չեն տեսնում:
Ծնողները որոշել են բողոքել Մարդու իրավունքների եվրոպական դատարան:
Հիշեցնենք, որ հոկտեմբերի 13-ին Լյուբերեցկի հիվանդանոցի (Մոսկվայի մարզ) բժիշկները , առանց հարազատների թույլտվության, հանել են հիվանդ Անատոլի Պրիխոդկու երիկամները՝ նրա մահից 15 րոպե անց: