Նախագահ Սերժ Սարգսյանն այսօր այցելել է Երեւանի մաթեմատիկական մեքենաների գիտահետազոտական ինստիտուտի «Երեւան Էքսպո» ցուցահանդեսային համալիրում հոկտեմբերի 22-24-ը անցկացվող «Էքսպո Ռուսաստան-Հայաստան. 2014» արդյունաբերական վեցերորդ միջազգային ցուցահանդես, որի նպատակն է ՀՀ եւ ՌԴ միջեւ տնտեսական, գիտատեխնիկական եւ մշակութային համագործակցության զարգացումը, երկրների միջեւ կապերի ամրապնդումը, ինչպես նաեւ համատեղ բիզնեսի, առեւտրատնտեսական եւ ներդրումային հարաբերությունների զարգացումը:
Հանրապետության նախագահը շրջել է էներգետիկայի, մեքենաշինության, մետաղագործության, շինարարության, տրանսպորտի, հեռահաղորդակցության, գյուղատնտեսության, բժշկության ու դեղագործության, կրթության, սննդի արդյունաբերության եւ մի շարք այլ ոլորտներ ներկայացնող հայկական եւ ռուսական ընկերությունների տաղավարներում, ծանոթացել ցուցադրված ապրաքանտեսականուն, զրուցել ցուցահանդեսի մասնակիցների հետ՝ հնարավոր համագործակցության եւ ընկերությունների զարգացման ծրագրերի մասին:
