Հայաստանի կողմից Լեռնային Ղարաբաղի ճանաչումը դեռ վաղ է: Այդ մասին այսօր՝ նոյեմբերի 11-ին, Ազգային ժողովում հայտարարեց Հայ ազգային կոնգրես խմբակցության նախագահ Լեւոն Զուրաբյանը՝ ներկայացնելով «Ժառանգության» պատգամավորների նախաձեռնության շուրջ ՀԱԿ խմբակության կարծիքը: ԱԺ որոշման նախագիծը ներկայացրել է պատգամավոր Զարուհի Փոստանջյանը:
Զուրաբյանի կարծիքով, նման քայլը կնշանակի բանակցություններից Հայաստանի միակողմանի դուրսբերում: «Դա կհանգեցնի Հայաստանի մեկուսացմանը եւ կմեծացնի ռազմական գործողությունների վերականգնման սպառնալիքը», - ընդգծեց Լեւոն Զուրաբյանը: Նրա կարծիքով, Ղարաբաղի ամրապնդմանը կարելի է հասնել ԼՂՀ-ում տնտեսական ռեսուրսների ստեղծմամբ, որոնց հետ ստիպված կլինեն հաշվի նստել եւ Ադրբեջանը, եւ միջազգային հանրությունը:
