«ԱՄՆ երբեք չի համակերպվի Ռուսաստանի կողմից Վրաստանի շրջափակման հետ»: Այս մասին հուլիսի 5-ին հայտարարել է ԱՄՆ պետքարտուղար Հիլարի Քլինթոնը Վրաստանի ազգային գրադարանում կին առաջնորդների հետ ունեցած հանդիպման ժամանակ:
«Վրաստան online»-ի հաղորդմամբ, հանդիպմանը ներկա էին 150 կին-առաջնորդներ, որոնց շարքերում կային նաեւ ընդդիմադիր կուսակցությունների ներկայացուցիչներ:
«Մենք չենք համակերպվի երեւույթների նման դրության հետ եւ կպայքարենք Վրաստանի ապաշրջափական համար: Վրացի ժողովուրդը պետք է հետեւողականորեն հասնի տարածքային ամբողջականության վերականգմանը եւ ազատությանը»,-ասել է նա:
Քլինթոնը նաեւ նշել է, որ Վրաստանում «ժողովրդավարական ակնհայտ հաջողություններ են գրանցվել: Նրա խոսքով, «Վրաստանը հնարավորություն ունի կրկնելու Թամար թագուհու կառավարման շրջանում եղած «ոսկե դարաշրջանը»»:
Պատասխանելով Վրաստանի առաջին տիկնոջ Սանդրա Ռուլովսի հարցին, Քլինթոնը հայտարարել է, թե ԱՄՆ աջակցում է կանանց այն կազմակերպություների ակտիվությանը, ովքեր համագործակցում են հակամարտության գոտում եղած կանանց կազմակերպությունների հետ հարաբերությունների հաստատման հարցում, ինչը կարող է նպաստել հակամարտության կարգավորմանը:
«Դա հակամարտության կարգավորման կարեւոր բաղադրիչ է եւ հնարավորինս պետք է օգտագործվի»,-ընգծել է Հիլարի Քլինթոնը: