News
Լրահոս
News
Երկուշաբթի
Հունվար 17
USD
480.88
EUR
550.94
RUB
6.32
Տեսնել լրահոսը


2011թ. հիմնված Հայաստանի պարկուրի ֆեդերացիայում կա 30 սան, որոնցից 5-ը աղջիկներ են: Նրանք սովորում են  ընկնելուց հետո կանգնելու, խնդիրները ռացիոնալ հաղթահարելու արվեստը՝ օգտագործելով միայն մարմինն ու շրջապատը:

Ֆեդերացիայի նախագահ Նարեկ Ավոյանի խոսքով՝ Հայաստանում պարկուրով զբաղվողների թիվը տարեցտարի մեծանում է.

«Պարկուրն ընտրում են տղաները, որովհետեւ սա մի քիչ ավելի փողոցային կոպիտ շարժման արվեստ է, աղջիկները հետաքրքրվում են, բայց քիչ են զբաղվում: Կան ծնողներ, որ իրենց երեխաների հետ են գալիս պարապելու»,- նշեց Նարեկ Ավոյանը:

Նարեկը հնարքներ կատարել սովորել է փողոցում, ինքնուրույն, բայց սկսնակներին խորհուրդ է տալիս թռիչքները, հնարքները դրսում փորձելուց առաջ աշխատել մարզադահլիճում:

«10-12 տարի զբաղվում եմ սրանով, ավելի պրոֆեսիոնալ՝ 8-9 տարի: Մի օրում սովորել չի կարելի, մենք շատ փորձությունների միջով ենք անցել:  Իմ ոտքը 3 անգամ վիրահատված է, դա իմ սխալ մարզումների հետեւանքն է, քանի որ ես չեմ ունեցել մարզիչ: Ամենավատն այն է, որ բոլոր հնարնքները դրսում եմ սովորել, այգիներում, խոտերի մեջ՝ ընկնել ջարդվելով»,- պատմեց թրեյսերը:

Նարեկը վստահեցնում է, որ պարկուրով զբաղվելու համար անհրաժեշտ է միայն վախը հաղթահարել.«Եթե վախը չհաղթահարես, ոչինչ չի ստացվի: Պարկուրով զբաղվելու համար կարեւոր նախապայման  է կամքի ուժը: Պարկուրի մեջ չկան սահմաններ, կան միայն խոչընդոտներ»:

Թրեյսերը երիտասարդներին խորհուրդ տվեց համակարգչից կտրվել եւ պարկուրով զբաղվել. այն օգնում է բացասական էներգիայից ազատվել:

«Ես իմ ամենադժվար հնարքները բարկացած ժամանակ  եմ անում, վատ լիքցերը դուրս են գալիս, հոգեւոր հանգիստ եմ գտնում, սա է ամենակարեւորը: Այն մարդը, որն ուզում է հեշտ ճանապարհով գնալ, սա իր տեղը չէ»,- ասաց Պարկուրի ֆեդերացիայի նախագահը:

Նարեկի խոսքով՝ 2014թ ֆեդերեցիայի համար հաջող տարի է եղել, 2015թ. ինքը պատրաստվում է Գինեսի ռեկորդ սահմանել:

«Այս տարի կազմակերպեցինք պարկուրի եւ ֆրի ռանինգի ֆեստիվալը: Այս տարի սահմանեցի «Դյուցազնագրքի» երկու ռեկորդ: Պատրաստվում եմ ԱՄՆ-ում Գինեսի ռեկորդ սահմանել. կլինի 10 մետր բարձրություն, 9 մետր երկարություն, մի շենքից մյուսը թռչել ստրախովկաներով: Դա շատ վտանգավոր է եւ համաշխարհային ռեկորդը 9 մետր է:  Իմ չափը 7 մետր է, բայց առանց ստրախովկայի»,- հետագա անելիքների մասին պատմեց Նարեկ Ավոյանը:

Պարկուրը լայն տարածում ունի ամբողջ աշխարհում: Այն ներառում է վազք, մագլցում, թռիչք: Այն հիմնադրել է Դևիդ Բելը 1980-ականներին Ֆրանսիայում։

Դիտեք Հայաստանի Պարկուրի ֆեդերացիայի սաների պարապմունքը տեսանյութում:

Տպել
Կարդացեք նաև
Ամբողջը
Orange Fitness-ը նշեց 10-րդ տարեդարձը
Orange Fitness-ը առաջինը Հայաստանում որդեգրեց «ավելին, քան ֆիթնես» մոտեցումը…
NEWS.am-ի նոր նախագիծը՝ ՖԻՖԱ-ի Աշխարհի Գավաթին ընդառաջ
Գործակալությունը գործարկում է ֆուտբոլի աշխարհի առաջնության հատուկ էջը...
Բրազիլիայում ձերբակալվել են Օլիմպիական խաղերի ժամանակ ահաբեկչություն կազմակերպելու մեջ կասկածվող անձինք
Բրազիլիայի երկու քաղաքացիների կասկածում են «Իսլամական պետություն» ահաբեկչական խմբավորման հետ կապերի մեջ…
Եվրո-2016. Գրիզմանի դուբլն աշխարհի չեմպիոնին զրկեց եզրափակիչից (ֆոտո)
Եզրափակիչում՝ Ֆրանսիա - Պորտուգալիա...
Սերժ Սարգսյանը Մոսվկայում ներկա է եղել Շախմատի աշխարհի չեմպիոնի հավակնորդների մրցաշարի բացմանը
Ստուգատեսի հաղթողն իրավունք կունենա մասնակցելու նոյեմբերի 11-30-ը Նյու Յորքում նախանշված չեմպիոնական մրցախաղին...
Բարով եկար քո հողը, քո տունը. հայ կին պատգամավորը՝ Արաս Օզբիլիսին
Չպետք է մոռանալ, որ Արասը ծնվել է Ստամբուլի Բաքըրքյոյ թաղամասում ու այս հողերի աճեցրած արժեք է...
Ամենաշատ
Ֆոտոռեպորտաժներ