Ցնցված ենք Գյումրիի դաժան ողբերգությունից. սգում ենք հայ ժողովրդի հետ միասին: Այդ մասին ասվում է Հայաստանում Ռուսաստանի դեսպանատան տարածած հայտարարության մեջ:
Հայտարարության մեջ նշվում է. «Ցավակցում ենք մահացածների հարազատներին եւ մտերիմներին: Այս դաժան հանցագործությունն իրագործողները պետք է արժանանան ամենախիստ պատժի:
Ներկայումս Հայաստանի Հանրապետության եւ Ռուսաստանի Դաշնության իրավասու մարմինները իրականացնում են անհրաժեշտ քննչական գործողությունները, որոնց նպատակը տեղի ունեցածի օբյեկտիվ եւ համակողմանի հետաքննությունն է: Քննչական խմբերը համակարգում են իրենց ուժերը՝ Հանրապետության տարածքում 102-րդ ռազմաբազայի տեղակայման պայմանների մասին համաձայնությանը համապատասխան»:
