News
Լրահոս
News
Ուրբաթ
Հունվար 21
USD
481.66
EUR
546.54
RUB
6.29
Տեսնել լրահոսը

Գյումրիում դաժան սպանդի մեջ մեղադրվող Վալերի Պերմյակովի հայրը՝ Պավել Պերմյակովը, քրիստոնեական «Հույս, հավատ, սեր» եկեղեցու հովիվ է: Այս մասին NEWS.am-ի հետ զրույցում հայտնեցին «Փրկությունը Հիսուսի մեջ է» քրիստոնեական եկեղեցուց, որի դուստր եկեղեցին է «Հույս, հավատ, սեր»-ը:

Կազմակերպության ղեկավար, հովիվ Անդրեյ Սուբոտինը հաստատել է, որ Պերմյակով-ավագը իրենց եկեղեցու հետեւորդ է, սակայն նշել է, որ առանց Պերմյակովի համաձայնության չի կարող ասել՝ Վալերի Պերմյակովը պատկանում էր տվյալ եկեղեցուն, թե ոչ:

Միաժամանակ, «Հույս, հավատ, սեր» եկեղեցու կայքում զետեղված լուսանկարներում կան դրա անդամների լուսանկարները, այդ թվում՝ Վալերի Պերմյակովինը:

Նույն կայքում զետեղված տեղեկություններից հայտնի է դառնում, որ Պավել Պերմյակովի կինը՝ Մարիա Պերմյակովան եւս «Հույս, հավատ, սեր» եկեղեցու հովիվ է:

Վալերի Պերմյակովի հարազատներից որեւէ մեկի հետ կապ հաստատել չհաջողվեց, Բալեյ քաղաքի նրանց տան հեռախոսահամարն անընդհատ զբաղված է:

Lifenews-ի հետ զրույցում Պերմյակով-ավագը պատմել է, որ Վալերին ընտանիքի ամենասիրված երեխան էր, քանի որ ամենակրտսերն էր եւ ամբողջ ուշադրությունը նրան էր բաժին հասնում:

«Մեր ընտանիքում կա վեց երեխա, եւ Վալերին մեր ամենափոքրն է: Նա ընտանիքի ամենասիրելի երեխան էր՝ քնքուշ, շփվող եւ սիրառատ, մենք նույնիսկ մտածում էինք նրա մասին, ասում, որ նա այդպես էլ ողջ կյանքում կապրի մոր ծնկներին, հարց էինք տալիս, թե նա ինչպես է ծառայելու բանակում»,- պատմել է Պավել Պերմյակովը:

Ըստ հոր՝ արդեն զորամասում որդին իրեն լավ է դրսեւորել եւ արտահերթ զինվորական կոչում եւ  խրախուսում ստացել հրամանատարությունից: 

Վալերի Պերմյակովի ծնողները չեն հավատում կատարվածին: Ըստ նրանց՝ իրենց որդին կամավոր զորամասը լքելու, այնտեղից զենք վերցնելու եւ մարդկանց սպանելու ոչ մի պատճառ չի ունեցել: Պավել Պերմյակովը պնդում է, որ դժբախտ սերը նույնպես չէր կարող որդուն հանցագործության դրդել, քանի որ Վալերին մշտական ընկերուհի չի ունեցել:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ավետիսյանների ընտանիքի սպանության օրվանից յոթ տարի է անցել
Գյումրիում Ավետիսյանների ընտանիքի սպանության օրվանից անցել է յոթ տարի...
Վալերի Պերմյակովը ցմահ ազատազրկվեց, բայց հանցագործության իրական շարժառիթը այդպես էլ չբացահայտվեց. հայտարարություն
Դատական նիստերն էլ անցկացվեցին ոչ թե Շիրակի մարզի ընդհանուր իրավասության դատարանում, այլ՝ արտագնա՝ ռուսական ռազմաբազայի…
Ավետիսյանների ընտանիքի սպանությունից չորս տարի է անցել
Միաժամանակ, շատ իրավապահների մոտ կասկածներ են մնում, թե արդյոք հանցագործությունը ամբողջովին բացահայտված է․․․
Ավետիսյանների ընտանիքի անդամների դաժան սպանության գործով ՍԴ-ի որոշումը հետաձգվեց
Տուժող կողմի ներկայացուցիչ Արամազդ Կիվիրյանը դատարանի այդ դիրքորոշումը բողոքարկել է վերադաս դատական ատյաններ...
Ավետիսյանների սպանության գործի կապակցությամբ դիմում է ներկայացվել Սահմանադրական դատարան
Այն վերաբերում է Ավետիսյանների ընտանիքի սպանության գործով փաստաբանների ներկայացրած քաղաքացիական հայցի կապակցությամբ օրենսդրական դրույթին․․․
Պերմյակովին ՌԴ-ին հանձնելու մասին հայտարարությունը անգրագիտություն է. Փաստաբան
Իրավաբանության, միջպետական համաձայնագրերի, միջազգային նորմերի հետ աղերս չունի...
Ամենաշատ