ԵԱՀԿ-ի գործող նախագահի անձնական ներկայացուցիչ Անջեյ Կասպշիկը մտահոված է ղարաբաղյան հակամարտության գոտու իրավիճակով:
«Հակամարտ զորքերի շփման գծում տեղի ունեցածը ԵԱՀԿ-ի գործող նախագահին, ԵԱՀԿ Մինսկի խմբի համանախագահներին, ինչպես նաեւ ինձ մտահոգվելու հիմք է տալիս», - հայտարարել է Կասպշիկը, հաղորդում է ԱՊԱ-ն:
Դեսպանը հաղորդել է, որ հրադադարի խախման ժամանակ «ծանր սպառազինության օգտագործման, ինչպես նաեւ սահմանի ու շփման գծի խախտման մասին» հաղորդագրություն է ստացել:
«Տեղեկություններ կան նաեւ մարդկային զոհերի մասին: Հունվարի 14-ին իմ գրասենյակը շփման գծում դիտարկում է անցկացրել: Ես այւդ դիտարկիմանը անձամբ չեմ մասնակցել, քանի որ այդ ժամանակ Վիեննայում հանդիպում եմ ունեցել ԵԱՀԿ-ի գործող համանախագահի հետ: Վերադարձից հետո ես այցելել եմ Լեռնային Ղարաբաղ եւ Երեւան՝ դիտարկում կատարելու նպատակով», - հայտարարել է դեսպանը:
