Հայաստանում հուլիսի 7-ից 14-ն ընկած ժամանակահատվածում արձանագրված գողության 62 դեպքից բացահայտվել է 33-ը:
Հայաստանի ոստիկանության մամուլի ծառայությունից NEWS.am-ին հայտնում են, որ բացահայտվել է նաեւ մարմնական վնասվածք հասցնելու 90 դեպքից` 79-ը, կողոպուտի 9 դեպքից` 7-ը, ավազակային հարձակման 2 դեպքից` 1-ը, խարդախության 22 դեպքից` 21-ը եւ խուլիգանության 7 դեպքից 6-ը:
Նախկինում կատարված հանցագործություններից բացահայտվել է մարմնական վնասվածք հասցնելու` 4, գողության` 3 եւ խարդախության 2 դեպք:
Անցած շաբաթվա ընթացքում հանրապետությունում արձանագրվել է ճանապարհատրանսպորտային 46 պատահար, ինչի հետեւանքով 7 մարդ զոհվել է, 49-ը ստացել տարբեր աստիճանի մարմնական վնասվածքներ: