News
Լրահոս
News
Շաբաթ
Օգոստոս 24
USD
475.99
EUR
526.4
RUB
7.25
ME-USD
0.14
Տեսնել լրահոսը

«Ալմաթայում տեղի ունենալիք հանդիպումից որեւէ բան ակնկալել պետք չէ, քանի որ Ադրբեջանը չի ընդունում ԼՂ խնդրի կարգավորման հայեցակարգը»,-  NEWS.am-ի թղթակցի հետ զրույցում նման տեսակետ հայտնեց ԼՂՀ խորհրդարանի արտաքին հարաբերությունների մշտական հանձնաժողովի նախագահ Վահրամ Աթանեսյանը՝ անդրադառնալով հուլիսի 16-17-ը Ղազախստանում տեղի ունենալիք ԵԱՀԿ ԱԳ նախարարների խորհրդի ոչ պաշտոնական գագաթնաժողովի շրջանակներում Հայաստանի եւ Ադրբեջանի արտգործնախարարների հանդիպմանը: «Նման եզրակացության գալու հիմք է տալիս Ադրբեջանի վերջին շրջանի պահվածքը, քանի որ այդ երկիրը փաստորեն, չի ընդունում կարգավորման հայեցակարգը: Այդ պատճառով այդ երկրի հետ որեւէ հարցում համաձայնության գալու հնարավորությունը գրեթե զրոյական է»,-նշեց Աթանեսյանը: Նա նաեւ հավելեց, որ եթե ԵԱՀԿ Մինսկի խմբի միջնորդները ԼՂ խնդրի կարգավորումը տեսնում են այն հայեցակարգով, որը հնչեցրել են Մինսկի խմբի համանախագահ երկրների առաջնորդները, ապա Ադրբեջանը չի ընդունում դրանք: Աթանեսյանն անդրադարձավ նաեւ Ադրբեջանի ԱԳ նախարար Էլմար Մամեդյարովի այն հայտարարությանը, թե Ադրբեջանը համաձայն է 5 տարվա ընթացքում Քարվաճառի եւ Լաչինի շրջանները Ադրբեջանին հանձնելու ԵԱՀԿ Մինսկի խմբի  առաջարկին՝ նշելով. «Ես չեմ կարող ասել, թե Մամեդյարովը որքան պարկեշտ է եւ որքանով է ճշտորեն վերարտադրում Մինսկի խմբի առաջարկությունները: Ակնհայտ է, որ հերթական բանակցային ռաունդից առաջ Ադրբեջանը փորձում է կառուցողականություն խաղալ մինչեւ վերջ եւ Մամեդյարովի այս հայտարարությունը մասն է կազմում այդ քարոզչության: Բայց իրականում Ադրբեջանը, կրկնում եմ, համաձայն չէ կարգավորման հայեցակարգին եւ կարգավորումը ներկայացնում է այնպես, ինչպես ինքն է ցանկանում: Եւ դա առաջին անգամը չէ, որ հնչում է ամենաբարձր մակարդակներով: Մասնավորապես՝ վերջերս Ադրբեջանի նախագահը կառավարության վերջին նիստի ժամանակ մերժել է ԼՂ-ի ինքնորոշման իրավունքը, բացառել է որեւէ մեխանիզմ, որը թույլ կտար ԼՂ-ին ինքնորոշվել, իսկ միջնորդների առաջարկության առանցքը դա է»:

«Իսկ ո՞րն է Ղարաբաղի տեսլականը՝ ԼՂ խնդրի կարգավորման վերաբերյալ» հարցին Վահրան Աթանեսյանն արձագանքեց. «Մեր պատկերացումներով ԼՂ խնդիրը լուծված է: Եւ միջազգային հանրությունը, եթե շահագրգռված է Հարավային Կովկասում տեւական խաղաղություն հաստատելու հարցում, պետք է ի վերջո հասկանա, որ դրան հասնելու, բոլոր սուր անկյունները հարթելու ճանապարհը ԼՂ-ի փաստացի անկախության միջազգային ճանաչումն է, ինչը հնարավորություն կտա, որպեսզի ԼՂ-ն, որպես իրավահավասար կողմ, Ադրբեջանի հետ քննարկի փոխադարձ հետաքրքրություն ներկայացնող հարցերի ողջ շրջանակը»: Աթանեսյանի խոսքով՝  միջազգային հանրությունը պետք է հնարավորություն ընձեռի, որպեսզի ԼՂ-ն դիվանագիտական ճանապարհով մինչեւ վերջ պաշտպանի իր պատկերացումներն ու դիրքորոշումը: Այս դեպքում, ըստ ԼՂ ներկայացուցչի, Ադրբեջանն ու ԼՂ-ն կգտնեն ե՛ւ կոմունիկացիաների, ե՛ւ հումանիտար խնդիրների հետ կապված հարցերի պատասխանները: «Հակառակ դեպքում որեւէ ձեւական լուծում, ինչպես ցույց է տալիս միջազգային փորձը, չի կարող արդյունավետ լինել»,-հավելեց Աթանեսյանը:

NEWS.am-ին հավաստի աղբյուրներից հայտնի է դարձել, որ Ալմաթայում քննարկվելու է նաեւ բանակցություններում  ԼՂ-ի մասնակցության հարցը: Արձագանքելով այս տեղեկությանը՝ ԼՂՀ խորհրդարանի ներկայացուցիչն ասաց. «Ինձ համար դժվար է ասել, թե ի՞նչ համատեքստում է քննարկվում ԼՂ-ի հարցը: Կարեւորն այստեղ ոչ թե ԼՂ-ի ֆորմալ մասնակցության հարցն է, այլ օբյեկտը, որպես ի՞նչ կողմ է ԼՂ-ն մասնակցելու այդ բանակցություններին: Եթե ԼՂ-ն հրավիրվում է մասնակցելու բանակցություններին արդեն իսկ ձեռք բերված համաձայնություններին իր համաձայնությունը տալու համար, ապա  չեմ կարծում, թե դա լավագույն ձեւն է լուծում գտնելու համար: ԼՂ-ն պետք է ի սկզբանե մասնակցեր բոլոր հարցերի եւ բոլոր խնդիրների քննարկմանը»,-ընդգծեց ԼՂ խորհրդարանի ներկայացուցիչը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանի արտաքին քաղաքականությունը կառուցվում է 3 սկզբունքի վրա. ԱԳՆ մամուլի քարտուղարի հարցարույցը
Օգոստոսի վերջին Երեւանում մեկնարկելու է ՀՀ դիվանագիտական ծառայության մարմինների ղեկավարների ավանդական հավաքը…
Գերեվարված Արայիկ Ղազարյանի հարցը շարունակում է մտահոգության առարկա մնալ. ԱԳՆ
Արտգործնախարարը շեշտեց, որ իր հանդիպումները Ադրբեջանի արտգործնախարարի հետ շարունակվում են...
ՄԱԿ-ում տարածվում է Արցախի Հանրապետության Կամավոր ազգային զեկույցը
Զեկույցն իրենից ներկայացնում է Արցախի ժողովրդի ինքնորոշման իրավունքի հիման վրա ժողովրդավարական պետություն կառուցելու եւ տնտեսական...
Ինքնազոհաբերվել սովորել եմ ղարաբաղցի ժողովրդից. Արկադի Տեր-Թադեւոսյան
Դաժանությունը, որով գործողությունն անցկացվում էր, քաոս առաջացրեց…
ԵԱՀԿ դիտարկումն Օմարի լեռնանցքում անցել է ըստ նախատեսված ժամանակացույցի
Դիտարկման առաքելությանը արցախյան կողմից ուղեկցել են Արցախի Հանրապետության արտաքին գործերի նախարարության եւ պաշտպանության նախարարության ներկայացուցիչները...
Բակո Սահակյանը դեսպան Կասպշիկի հետ քննարկել է շփման գծում տիրող իրավիճակը
Հանդիպմանը քննարկվել են Արցախի եւ Ադրբեջանի զինված ուժերի շփման գծում տիրող իրավիճակին վերաբերող մի շարք հարցեր․․․
Ամենաշատ
Ֆոտոռեպորտաժներ