Աթենքի՝ Նիկիայի քաղաքապետարանի սրահում «Նացիզմը եւ Պանթուրքիզմը, համեմատական մոտեցում» թեմայով, փետրվարի 16-ին տեղի ունեցավ դասախոսություն հունահայ գրող-հրապարակախոս՝ պարոն Հովսեփ Քասեսյանի բանախոսությամբ:
«Հունահայկական» հետազոտությունների կենտրոնի քարտուղար, «Հայաստան» եւ «Նոր աշխարհ» շաբաթաթերթերի աշխատակից պարոն Հովսեփ Քասեսյանը հունարեն լեզվով՝ հունախոս հասարակության համար ներկայացրած իր վերլուծությամբ, բացատրեց Նացիզմ եւ Թյուրքիզմ քաղաքական շարժումների հասարակած արմատների, բնի եւ պտղի մասին, որոնք 20-րդ դարում իրագործեցին երկու ամենամեծ ցեղասպանությունները: Բանախոսը խոսեց նաեւ երկու ցեղասպանությունների տարբերությունների մասին, նշելով, որ եթե հրեաները կորցրեցին կյանք ու սեփականություն, հայերը՝ առավել եւ առաջին հերթին «Հայ ազգի նկատմամբ ցանկացած նյութական եւ բարոյական հատուցում, առանց հողային հատուցման, լինելու է թերի եւ կեղծ», - եզրակացրել է Քասեսյանը:
«Հունահայկական» հետազոտությունների եւ Աթենքի Նիկիայի քաղաքապետարանի մշակութային կենտրոնների համագործակցությամբ կազամակերպված միջոցառումը ներկայացվեց «Հունահայկական» հետազոտությունների կենտրոնի նախագահ՝ պարոն Հայկ Գասարճյանը: