նախընտրելի դարձնել
Խարկովում հրաժեշտ են տվել Հայ առաքելական եկեղեցու Ուկրաինայի թեմի առաջնորդ արքեպիսկոպոս Գրիգորիս Բունիաթյանին:
AnalitikaUA.net-ի փոխանցմամբ, Խարկովի Սուրբ Հարություն եկեղեցում տեղի է ունեցել Գրիգորիս Բունիաթյանին հրաժեշտ տալու սգո արարողությունը:
Արքեպիսկոպոսին հրաժեշտ տալու համար Սուրբ Հարություն եկեղեցի էին եկել հայկական համայնքների ներկայացուցիչներ Ուկրաինայի բոլոր տարածաշրջաններից:
Հրաժեշտ տալու էին եկել նաեւ քույր եկեղեցիների ներկայացուցիչները, տեղի իշխանությունների, Ուկրաինայում ՀՀ դեսպանատան ներկայացուցիչները:
Ավելի վաղ հաղորդվել էր, որ մարտի 7-ին Խարկովում մահացել է Հայ առաքելական եկեղեցու Ուկրաինայի թեմի առաջնորդ արքեպիսկոպոս Գրիգորիս Բունիաթյանը:
