ԵՏՄ-ում միասնական արժույթի կիրառումն անմտություն է: Այս մասին, այսօր՝ մարտի 14-ին, լրագրողների հետ հանդիպման ժամանակ նշել է տնտեսագետ Աշոտ Եղիազարյանը:
Նրա կարծիքով՝ Ռուսաստանը չունի ոչ տնտեսական, ոչ քաղաքական ուժեր, որպեսզի իր դրամական միավորը պահուստային դարձնի նույնիսկ ԵՏՄ անդամ երկրների համար:
«Ռուսաստանն ունակ չէ դառնալ Հայաստանի ֆինանսական գործընկերը: Մեր հիմնական վարկատուներն են Արժոյթի միջազգային հիմնադրամը, Համաշխարհային բանկը եւ այլ այլն, որոնք աշխատում են դոլարով: Եթե մենք անցնենք ռուբլու կամ այլ եվրասիական արժույթի, եւ եթե մեր Կենտրոնական բանկը սկսի իր դրամական միջոցները պահել այդ արժույթով, ապա անհամապատասխանություն կծագի արժութային վարկերի միջեւ, եւ մեր ողջ միկրոտնտեսությունը կշեղվի»,-ընդգծել է Եղիազարյանը:
Բացի այդ, միասնական արժույթի անցնելու համար, ԵՏՄ երկրները պետք է ունենան մակրոտնտեսական միասնական պարամետրեր, ինչպես Մաաստրիխի ԵՄ համաձայնագրերն են:
