Լոս Անջելեսից դասական երաժիշտների տրիոն մարտի 28-ի երեկոյան կալիֆորնիական Գլենդել քաղաքում համերգ կտա Հայոց ցեղասպանության զոհերի հիշատակին: Այս մասին գրում է տեղական «Glendale News-Press» պարբերականը:
Տրիոյում ընդգրկված են ջութակահար, Լոս Անջելեսի օպերային նվագախմբի կոնցերտմայստեր Ռոբերտո Կանին, դաշնակահար Արմեն Գուզելիմյանը եւ թավջութակահար, Գլենդելի ֆիլհարմոնիկ նվագախմբի հիմնադիր Ռուսլան Բիրյուկովը: Նրանք կատարելու են Առնո Բաբաջանյանի «Ֆա դիեզ մինոր դաշնամուրային տրիոն» եւ Դմիտրի Շոստակովիչի «Մի մինոր № 2 դաշնամուրային տրիոն»:
Համերգից ստացված հասույթի մի մասը փոխանցվելու է Հայկական բարեգործական ընդհանուր միությանն եւ Հայ Առաքելական եկեղեցու Արեւմտյան Ամերիկայի թեմին: