Ռազմական փորձագետ Արկադի Գիգորյանը ադրբեջանցի ֆանտազյորներին խորհուրդ է տվել չսահմանափակվել արդեն հորինած հեքիաթներով եւ շարունակել կատարելագործվել։ NEWS.am-ի խնդրանքով նա մեկնաբանել է ադրբեջանական ԱՊԱ գործակալության հայտարարությունը, թե հայերը արկերը գետերն են լցնում հոսանքով տեղափոխելու համար։ Փորձագետը նշեց, որ ականները առնվազն ջրից ծանր են եւ սուզվում են եւ ոչ թե «լողում»։ «Անգամ սուտը ստիպված է ենթարկվել ֆիզիկայի օրենքներին։ Ես ադրբեջանցի ֆանտազյորներին խորհուրդ կտայի թեման լավ ուսումնասիրել եւ հետն էլ չբավարարվել ձեռք բերածով ու ինչ-որ նոր բան հորինել»,- հայտարարել է Գրիգորյանը։
Նա նշել է, որ նյութը պարզաբանող լուսանկարի վրա ականանետի արկ է պատկերված, որը շատ դժվար կլիներ գետի հոսանքով տեղափոխել։ Եթե նրա վրա դետոնատոր տեղադրված չէ, արկը արտաքին ազդեցությունից չի պայթի։ Իսկ եթե դետոնատոր է տեղադրված, արկը կպայթի թեթեւ հպումից՝ չհասցնելով տեղաշարժվել։