Թուրքիայում իր արձակուրդն անցկացնող 29-ամյա Աննա Դավթյանը խորհրդավոր կերպով անհետացել է Անկարայում: Անցած տարի ամուսնանալուց հետո Դուբայում հաստատված Աննա Դավթյանը հուլիսի 15-ին իր ընկերոջ հետ գնացել է Անթալիա: Երկու օր իր արձակուրդը անցկացնելով Անթալիայում՝ Աննա Դավթյանը ցանկացել է ընդմիջել արձակուրդը եւ վերադառնալ Դուբայ, սակայն հուլիսի 17-ին Անկարայի հյուրանոցներից մեկում, որտեղ եղել է ընկերոջ հետ, նա անհետացել է: Աղջկան փնտրելու համար Ստամբուլ գնացած մայրը` Կարինա Դավթյանը, ասել է. «Աղջիկս 6 ամսվա հղի է: Եթե փորձանք պատահած չլիներ, ինձ անպայման կփնտրեր: Անհանգստանում եմ, որ կարող է նրան առեւանգած լինեն»: