Քիչ առաջ Եվրոպայի խորհրդի խորհրդարանական վեհաժողովի քարտուղարություն է հանձնվել Ֆրանսիացի պատգամավոր Ռենե Ռուկեի նախաձեռնած Հայոց եւ մնացյալ ցեղասպանությունները դատապարտող, Հայոց ցեղասպանությունը ճանաչելու կոչ անող հայտարարության տեքստը: Այս մասին NEWS.am-ի թղթակցի հետ զրույցում ասաց ԵԽԽՎ-ում հայաստանյան պատվիրակության անդամ Նաիրա Զոհրաբյանը:
Նա նշեց, որ ԵԽԽՎ 171 պատգամավորներ են ստորագրել հայտարարության տեքստի տակ, ստորագրությունները շարունակվում են:
Հայտարարության տեքստում ասվում է, որ «ցեղասպանությունը սարսափելի հանցագործություն է հասարակության դեմ։ Նման հանցագործությունների կանխումը կարող է դադարեցնել հակամարտությունների, ողբերգությունների եւ հումանիտար աղետների էսկալացիան։ Հայոց ցեղասպանության միարժեք եւ ժամանակին դատապարտելու բացակայությունը զգալիորեն նպաստեց հետագայում մարդկության դեմ ուղղված այլ հանցագործությունների, ինպես Հոլոքոսթի ու մյուս ցեղասպանությունների, իրականացմանը։ 2015թ. ապրիլի 24-ին լրանում է Օսմանյան կայսրությունում 1,5 մլն հայերի ցեղասպանությունը։
Ներքոստորագրյալ պատգամավորները հարգանքի տուրք են մատուցում արդկության դեմ հանցագործությունների զոհերին, խորապես դատապարտում դրանք ժխտելու փորձերը»։
Մեր տեղեկություններով՝ ստորագրությունների թիվը կարող էր ավելի մեծ լինել՝ ավելի քան 200, մի շարք պատգամավորներ իրենց ստորագրությունները ուղարկել էին scan արած տարբերակով, ինչը, սակայն, ԵԽԽՎ քարտուղարությունը չի ընդունել: