Apple Watch-ը, պարզվում է, նորմալ չի աշխատում դաջվածքով դաստակներին. ժամացույցներն արգելափակվում են: Խելացի ժամացույցների տերերն այս մասին հայտնել են սոցիալական ցանցերում եւ գաջեթներին նվիրված ֆորումներում: Խնդիրների առկայությունը հաստատել են iMore IT-բլոգի հեղինակները:
Վերջինների խոսքով, Apple Watch-ն իսկապես արգելափակվում է դաջվածքով դաստակներին եւ ամեն անգամ միացնելիս pin-code է պահանջում:
Ըստ Lenta-ի, պարզվում է, որ խնդիրներն առաջանում են հագեցած սեւ եւ կարմիր գույներով դաջվածք ունեցողների մոտ: Այլ գույները ժամացույցի արգելափակման չեն հանգեցնում, սակայն բացասաբար են անդրադառնում սրտի ռիթմի հաճախականությունը որոշելու վրա:
Apple-ում ժամացույցների խափանումները դեռեւս չեն մեկնաբանում: