News
Տեսնել լրահոսը

Մեր առաքելության փորձագետները դրական են գնահատել Ընտրական օրենսգիրքը միջազգային նորմերին համապատասխանեցնելու հարցում Լեռնային Ղարաբաղի Հանրապետության ղեկավարության իրականացրած աշխատանքը։ Այս մասին մայիսի 4-ին Ստեփանակերտում ԼՂՀ խորհրդարանական ընտրությունների ավարտին հայտարարել է Ընտրական համակարգերի միջազգային փորձագիտական կենտրոնի նախագահ Ալեքսանդր Ցինկերը։

«Մենք կարծում ենք, որ օրենսդրության պահպանումը թույլ է տալիս ժողովրդավար ճանապարհով իրականացնել քաղաքացիների ազատ կամարատահայտումը։ Ընտրություններից մեկ օր առաջ՝ այսպես կոչված լռության օրը, դիտորդները չեն նկատել քարոզչության դրսեւորումներ։ Ընտրությունների օրը առաքելության դիտորդները այցելել են 52 ընտրատեղամաս»,- հայտարարել է Ցինկերը։

Առաքելության գնահատմամբ՝ ընտրությունները ընդհանուր առմամբ անցել են ժողովրդավար մրցունակ պայքարի պայմաններում, ընտրողների բարձր մասնակցությամբ։ Դրանք համապատասխանում էին հիմնական սկզբունքներին եւ միջազգային իրավունքի պահանջներին։ «Այսուհանդերձ առաքելությունը նշում է ընտրությունների օրը տեղամասերում տեղ գտած մի շարք տեխնիկական բարդություններ, որոնք բարդացրել են քվեարկության վերահսկողության գործընթացը, ինչպես օրինակ՝ սահմանափակ ֆիզիկական հնարավորություններ ունեցող մարդկանց համար քվեարկության ապահովումը, որոշ տեղամասերի վատ լուսավորվածությունը։ Սակայն չնայած այդ թերություններին, որոնք չեն կարող սասանել հանրապետության քաղաքացիների քվեարկության օրինականությունը, առաքելության դիտորդները վստահ են, որ ընտրություններն անցել են բարեհաջող, իսկ արդյունքների կեղծումներ չեն գրանցվել։ Լեռնային Ղարաբաղի Հանրապետության Ազգային Ժողովի ընտրությունները  հանրապետության քաղաքացիների ազատ կամարտահայտման դրսեւորման ժողովրդավարական ակտ է, որը համապատասխանում է միջազգային նորմերին»,- նշել է Ալեքսանդր Ցինկերը։

ICES դիտորդական առաքելության կազմում եղել է 10 դիտորդ՝ Բելգիայից, Հունգարիայից, Չեխիայից, Էստոնիայից, Իսրայելից։

!
Այս նյութը հասանելի է նաև   English and Русский
Տպել
Կարդացեք նաև
Ամբողջ
Պատգամավոր. Ադրբեջանը փորձել է խոչընդոտել Ղարաբաղում ընտրությունների անցկացմանը
ԼՂՀ Պաշտպանության բանակը արեց հնարավորը, որպեսզի ապահովի բնակչության խաղաղ քվեարկությունը...
Արցախի ԿԸՀ-ն հաստատել է կուսակցությունների մանդատների թիվը
6-րդ գումարման ԱԺ առաջին նիստը տեղի կունենա մայիսի 21-ին...
Ալավերդյան. ԼՂՀ ընտրությունները կարող են օրինակ դառնալ եվրոպական երկրների համար
ԼՂՀ բնակիչը վստահ է, որ իր ձայնից է կախված երկրում ընտրությունների արդյունքը...
Ղարաբաղը ծաղկում է մարդու իրավունքների տեսակետից. Փորձագետ Քալիֆորնիայից
Մենք ուզում ենք ԼՂՀ ԿԸՀ-ին եւ երկրի ղեկավարությանը մի քանի առաջարկներ ներկայացնել, որոնք թույլ կտան բարելավել այդ պայմանները…
Գեղամ Բաղդասարյան. ԼՂՀ-ում այս ընտրությունները նախորդից մրցակցային էին
Իշխանություն ձեւավորելը բավականին տեւական գործընթաց է, եւ չի կարելի սահմանափակվել միայն ընտրարշավի մեկ ամսով…
Լեռնային Ղարաբաղն, իրականում, ժողովրդավարական երկիր է. փորձագետ ԱՄՆ-ից
Նրանք ընտրական գործընթացը բարելավելու ուղիներ են որոնում: Դա օգնում է ԼՂ բնակչությանը համոզել մյուսներին, որ իրենք իրականում անկախ պետություն են…
Ամենաշատ
Partner news