Թուրքիայում մշակույթային ժառանգության ցուցակում գտնվող Էլազըղի (Խարբերդ) հայկական բողոքական եկեղեցին հյուրանոց դարձնելու թույլտվություն են տվել։
Թուրքական T24.com կայքում հրապարակված տեղեկության համաձայն՝ թեեւ Էլազըղի հայկական բողոքական եկեղեցին գրանցված է Թուրքիայի մշակույթային ժառանգության ցանկում, դա չի խանգարել եկեղեցու տարածքում հյուրանոց կառուցելու կամ այն հյուրանոց դարձնելու թույլտվություն տրամադրել։
Նշվում է, որ եկեղեցու տարածքը որպես ավտոկայանատեղի օգտագործող անձը դիմել է համապատասխան կառույցներին եւ հյուրանոց կառուցելու թույլտվություն ստացել։ Նա եկեղեցին հյուրանոցի վերածելու համար դիմում ներկայացնելու ժամանակ պնդել է, թե այդքան մեծ կառույցը, որը երկու հարկից է բաղկացած, չէր կարող եկեղեցի եղած լիներ։