Ուկրաինայի Մարիուպոլ քաղաքում իրավապահները ձերբակալել են մի ադրբեջանցու, ով սպանել է երիտասարդ մի աղջկա: Այս մասին հաղորդում է Донецк.proUA.com-ը:
Պարզվել է, որ այդ օրը երիտասարդ աղջիկը մնացել է տանը, որպեսզի հետեւի իրենց տանը շինարարական աշխատանքներ իրականացնող ադրբեջանցուն, մինչեւ ծնողները կգան: Աղջկա հայրը ֆինանսների բացակայության պատճառով խնդրել է հետաձգել գումարի վճարումը, շինարարն էլ մտածել է, թե իրեն ուզում են խաբել եւ պատանդ է վերցրել երիտասարդ աղջկան: Ադրբեջանցին կապել է աղջկան ու թաքցրել կողաշենքում, հետո վախենալով, որ իրեն կարող են քրեական պատասխանատվության ենթարկել, խոհանոցի դանակով մի քանի անգամ հարվածել է նրան ու սպանել: Հետո մարմնից է կապել մի քանի աղյուս ու նետել հենց առանձնատան տարածքում գտնվող ջրհորը:
Դրանից հետո, շինարարը վերադարձել է տուն ու սպասել աղջկա ծնողներին: Երբ նրանք վերադարձել են, ադրբեջանցին պատանդ է վերցրել նրանց կրտսեր որդուն, ապա նաեւ տան բոլոր մյուս անդամներին: Քանի որ անհրաժեշտ գումարը նրանք չեն ունեցել, նա կապել է բոլորին եւ գնացել իր մոր ընկերուհու տուն եւ պարտ վերցրել 700 գրիվեն:
Փողն ստանալուց հետո չարագործը որոշել է վերադառնալ ու սպանոլ տան բոլոր անդմաներին, որպեսզի սրբի հանցագործության հետքերը: Կանգ առնելով քաղաքի ց դուս, նա մեքենայից դուրս է քաշել իր պարտապանին եւ սկսել է հարվածել ձեռքի տակ ընկած առարկաներով` աղյուսով, դանակով, պտուտակահանով: Այդ ընթացքում մեքենայից կարողացել են դուրս պրծնել եւ փախչել կինն ու որդին: Դրանից վախենալով, հանցագործը փախել է` գողացված մեքենայով:
Այդ ադրբեջանցին եղել է 53-ամյա ադրբեջանցի քաղաքացի, ով 2006-ից աշխատում է Ուկրաինայում: Հարցաքննության ժամանակ նա իրեն հանգիստ է պահել եւ չի հերքել իր մեղքը: Կատարածը բացատրել է նրանով, որ վախեցել է պատասխանատվությունից: Հետագայում պարզվել է, որ ադրբեջանցի հետախուզման մեջ է Ադրբեջանում, որտեղ սպանություն է կատարել: Ներկայումս նրա դեմ մի քանի հոդվածներով քրեական գործ է հարուցված:
