ԼՂՀ-ում մայիսի 3-ին տեղի ունեցած խորհրդարանական ընտրությունները նախորդի հետ համեմատ մեկ քայլ առաջ էին, քանի որ անցան ավելի մրցակցային մթնոլորտում, քան նախորդ ընտրությունները, եւ դա հիմնական տարբերակիչ գիծն է, որը պետք է առանձնացնել: Այս մասին, այսօր՝ մայիսի 6-ին, լրագրողների հետ հանդիպման ժամանակ նշել է Ստեփանակերտի մամուլի ակումբի նախագահ Գեղամ Բաղդասարյանը:
Նրա խոսքով, ԼՂՀ-ում ընտրությունները լինում են ազատ, բայց ոչ արդար, քանի որ «իշխանություն ձեւավորելը բավականին տեւական գործընթաց է, եւ չի կարելի սահմանափակվել միայն ընտրարշավի մեկ ամսով, եւ եթե այդ մեկ ամսում քաղաքական ուժերը հավասար հնարավորություններ են ունենում, ապա նույնը չի կարելի ասել նաեւ մնացած ժամանակահատվածների մասին»:
Բաղդասարյանը հույս է հայտնել, որ ժամանակի ընթացքում Արցախում կարմատավորվի ժողովրդավարությունը, բայց փաստն այսօր այն է, որ քաղաքական ուժերը հավասար հնարավորություններ չունեն ընդհանրապես։