Ազգային ժողովի «Բարգավաճ Հայաատան» խմբակցությունում այսօր՝ մայիսի 18-ին, քիչ առաջ մեկնարկել 4 քաղաքական ուժերի նիստը: ԱԺ-ում NEWS.am-ի աղբյուրները հայտնեցին, որ նիստին մասնակցում է ԲՀԿ-ն, «Ժառանգությունը», ՀՅԴ-ն, ՀԱԿ-ը:
Քառյակի նիստում քննարկում են Էլեկտրաէներգիայի սակագնի հարցը: ՕԵԿ-ը չի մասնակցում քննարկմանը, ՀՅԴ-ից մասնակցում է Արմեն Ռուստամյանը, «Ժառանգությունից»՝ Ռուբեն հակոբյանը, ՀԱԿ-ից՝ Լեւոն Զուրաբյանը, ԲՀԿ-ից Նաիրա Զոհրաբյանն ու Միքայել Մելքումյանը:
Պատգամավորները կքննարկեն նաեւ ԲՀԿ առաջարկը՝ էլեկտրաէներգիայի սակագնի բարձրացման վերաբերյալ խորհրդարանական լսումներ կազմակերպելու մասին, որին ցանկանում են հրավիրել բոլոր կողմերին՝ ՀԷՑ-երի ներկայացուցիչներին, Էներգետիկայի նախարարին, ՀԾԿՀ-ին: Պատգամավորները կքննարկեն նաեւ Հայ ազգային կոնգրեսի առաջարկությունը՝ Հայաստանի Հանրապետությունում էլեկտրաէներգետիկական համակարգում ստեղծված իրավիճակն ուսումնասիրող Ազգային ժողովի ժամանակավոր հանձնաժողով ստեղծելու մասին որոշման նախագիծը http://news.am/arm/news/266961.html: