Հայաստանում թմրամոլները հիմնականում օգտագործում են կանեփ տեսակի թմրանյութ, որովհետեւ այն հեշտ է ճարել ու առողջական ծանր հետեւանքներ չի առաջացնում։ Օգոստոսի 3-ին լրագրողների հետ հանդիպման ժամանակ ասաց ՀՀ գլխավոր նարկոլոգ Պետրոս Սեմերջյանը։
Նրա խոսքով, կանեփից հետո Հայաստանում ամենատարածված թմրատեսակը ափիոնից պատրաստված թմրանյութերն են: Տեղի թմրամոլներն օգտագործում են նաեւ «սուբուտեքս» թմրամիջոցը։
Ըստ գլխավոր նարկոլոգի, թմրամոլությունից բուժվողների 80 տոկոսի մոտ կրկնելիություն է լինում եւ որոշ ժամանակ անց նրանք վերադառնում են կլինիկա։
«Թմրամոլության կրկնելիությունն առողջապահական խնդիր չէ, սոցիալական խնդիր է։ Բուժումից հետո մարդը վերադառնում է իր հին բակ, հին ընկերների մոտ, նույն շրջապատ եւ կրկնում է նույնը, ինչ որ սկսել է»,-ասաց Պետրոս Սեմերջյանը։