Հայաստանում ՆԱՏՕ-ի Rose Roth սեմինարը, ի համեմատություն նախորդների, աննախադեպ է լինելու թե՛ մասնակիցների աշխարհագրության, թե՛ նրանց քանակի առումով։ Այս մասին հունիսի 11-ին «ՆԱՏՕ-Հայաստան հարաբերությունները նոր մարտահրավերների ենթատեքստում» կոնֆերանսի ժամանակ, հայտարարեց ՆԱՏՕ-ի Խորհրդարանական վեհաժողովում ՀՀ ԱԺ պատվիրակության անդամ, «Ժառանգություն» խմբակցության քարտուղար Թեւան Պողոսյանը։
Պատգամավորը հիշեցրեց, որ Հայաստանում հունիսի 18-20-ը կայանալու է ՆԱՏՕ-ի Rose Roth տարածաշրջանային սեմինարը, որը նվիրված
է անվտանգության հարցերին։ Պողոսյանի խոսքով՝ բնականաբար քննարկվելու է ղարաբաղյան հակամարտությունը, Մերձավոր Արեւելքում ընդհանուր իրավիճակը։ «Անցյալ տարի հայկական պատվիրակությունը մասնակցել է Բաքվում Rose Roth սեմինարին։ Ցավոք, այս տարի Ադրբեջանը անհայտ պատճառներով հրաժարվեց մասնակցել Երեւանում կայանալիք սեմինարին»,- հավելեց պատգամավորը։
