Գյումրիում «Մայր Հայաստան» հուշահամալիրի տարածքում հայտնաբերվածը 102-րդ ռուսական ռազմաբազայի զինծառայող Իվան Նովիկովն է: Այս մասին NEWS.am-ի թղթակցի հետ զրույցում ասաց Շիրակի մարզի դատախազ Րաֆֆի Ասլանյանը:

Նա նշեց, որ ռուսական կողմը դեռեւս չի հայտնել ծննդյան տարեթիվը, ուստի՝ տարիքը չեն կարող ասել, բայց գիտեն, որ մոտ 2-3 ամիս է՝ ծառայում է ՀՀ-ում:

Շիրակի մարզի դատախազն ասաց, որ զինծառայողի վրա հրազենային վնասվածքներ չկան, դանակի հարվածներ կան: «Այժմ կատարվում է դեպքի վայրի զննություն, որին մասնակցում են նաեւ դատաբժշկական բնագավառի համապատասխան մասնագետները: Զինծառայողի մարմնին հայտնաբերվել են բռնության հետքեր»,-ասաց Րաֆֆի Ասլանյանը՝ նշելով, որ դեռ վարկածներ չունեն:

Ավելի վաղ հայտնել էինք, որ Գյումրիում «Մայր Հայաստան» հուշահամալիրի տարածքում՝ ռուսական 102-րդ ռազմաբազայի մոտ, այսօր՝ հունիսի 15-ին, ռուս զինծառայողի դի է հայտնաբերվել: Դիամը հայտնաբերվել է ռազմակայանի հետնամասում:

Լուսանկարները` Էլիզ Ֆռանգուլյանի