Մայիսի 8-ին Շուշիի Ղազանչեցոց եկեղեցում վառված` Համահայկական ամառային 6-րդ խաղերի ջահը այսօր` հունիսի 20–ին, Տավուշի մարզից հասավ Լոռու մարզ։ Վանաձորի Հայքի հրապարակում ջահն ընդունեց սամբոյի աշխարհի հնգակի չեմպիոն, 47–ամյա Գագիկ Ղազարյանը:
Այս առիթով Վանաձորի Հայքի հրապարակում կազմակերպվեց տոնական միջոցառում: Նշենք նաեւ, որ Համահայկական ամառային 6-րդ խաղերի հանդբոլի մրցումները նախատեսված է անցկացնել Վանաձորում:
Ջահը Լոռու մարզից կուղեւորվի Արագածոտնի մարզ։
Համահայկական ամառային 6-րդ խաղերը կանցկացվեն օգոստոսի 2-ից 13-ը: Մրցումներ անցկացվելու են նաեւ Լեռնային Ղարաբաղում: Ընդհանուր առմամբ խաղերին կմասնակցի մոտ 5500 մարզիկ:
