Հայաստանի խորհրդարանը վավերացրել է հումանիտար արձագանքման հայ-ռուսական կենտրոնի մասին համաձայնագիրը։ Փաստաթուղթն ընդունվել է 99 կողմ ձայնով։ Ռուսական կողմը պատրաստ է կենտրոնի ստեղծման համար ներդնել 40 մլն դոլար, որով կգնեն փրկարար տեխնիկա, ավտոմեքենաներ, ուղղաթիռներ։

Ավելի վաղ ՏԿԱԻ փոխնախարար Վաչե Տերտերյանը հայտարարել էր, որ Ռուսաստանը կենտրոնը մեզ մոտ է տեղակայում՝ հաշվի առնելով իր հարավային մարզերին մոտ լինելու հանգամանքն ու սահմանակից երկրների առաջ ստանձնած պարտավորությունները։ Սակայն իհարկե նման կենտրոն ունենալը շատ կարեւոր է եւ մեզ համար։ Դա կօգնի չեզոքացնել արտակարգ իրավիճակների  հետեւանքները ոչ միայն մեր երկրում այլ նաեւ օգնել հարեւաններին։