News
Լրահոս
News
Հինգշաբթի
Հունիս 13
Տեսնել լրահոսը


Հոսանքի թանկացման որոշման դեմ պայքարող ակտիվիստների նստացույցը ցրելու, դրան  հաջորդած դեպքերի առթիվ հարուցվել է քրեական գործ ՔՕ-ի 258-րդ հոդվածի 1-ին մասի հատկանիշներով: Այս տեղեկությունը NEWS.am-ի թղթակցին հաստատեցին Գլխավոր դատախազությունից:  Այդ հոդվածով սահմանվում է խուլիգանությունը՝ դիտավորությամբ հասարակական կարգը կոպիտ կերպով խախտելը, որն արտահայտվել է հասարակության նկատմամբ բացահայտ անհարգալից վերաբերմունքով, այն պատժվում է տուգանքով` նվազագույն աշխատավարձի առավելագույնը հիսնապատիկի չափով, կամ կալանքով՝ մինչև մեկ ամիս ժամկետով (ֆոտոռեպորտաժ):

Հարուցված քրեական գործի մյուս մանրամասները խոստացան տրամադրել ավելի ուշ: 

Այսպես, գիշերվա դեպքերից ավելի քան  5 ժամ է անցել, սակայն դեռեւս անորոշ է 237 բերման ենթարկվածների ճակատագիրը: Մասնավորապես, անհայտ է՝ նրանք ինչ կարգավիճակ ունեն, երբ են ազատ արձակվելու եւ այլն: Ըստ շրջանառվող տեղեկությունների՝ մի քանի ակտիվիստներ բաց են թողել ոստիկանական բաժանմունքներից:

Նշենք, որ չորս օր տեւած նստացույցից հետո հունիսի 22-ին ավարտվել էր «Ոչ թալանին» նախաձեռնության՝ իշխանություններին տված վերջնաժամկետը, եւ ցուցարարները մեծ բազմությամբ շարժվել էին դեպի Բաղրամյան պողոտա։ Ոստիկաննեը փակել էին պողոտան, ինչից հետո նստացույց էր սկսվել։ Հունիսի 23-ին վաղ առավոտյան ոստիկանները ջրցան մեքենայի օգնությամբ ցրել են ցույցը, ապա բերման ենթարկել ակտիվիստների եւ լրագրողների:

Հիշեցնենք, որ չնայած էլեկտրաէներգիայի սակագնի բարձրացման դեմ ուղղված բազմաթիվ բողոք-ակցիաներին հունիսի 17-ին, ՀԾԿՀ հանձնաժողովի նիստում հաստատվել է էլեկտրաէներգիայի նոր սակագինը։ էլեկտրաէներգիան թանկացել է 6.93 դրամով՝ մեկ  կՎտ/ժ-ի դիմաց 41.85 դրամից դառնալով 48.78 դրամ։  «Հայաստանի էլեկտրական ցանցեր» (ՀԷՑ) ընկերությունը առաջարկել էր էլեկտրաէներգիայի մեկ կիլովատտ/ժամը թանկացնել 17 դրամով:

NEWS.am-ի թղթակիցը դիմեց ոստիկանությանը, որպեսզի պարզի, թե ինչ հիմքով են մարդկանց պահում ոստիկանությունում, քանի որ նրանց բերման ենթարկելու 3 ժամը լրացել է: Մեզ փոխանցեցին, որ բոլոր հարցերով դիմենք Քննչական կոմիտե, քանի որ նախապատրաստված նյութերը փոխանցել են նրանց: Քննչական կոմիտեից ավելի վաղ հայտնել էին, որ դիմենք Գլխավոր դատախազությանը:

Հիշեցնենք, որ ոստիկանության բաժիններ են տարվել «Հետքի», «Գալա» հեռուստաընկերության, «Հայկական Ժամանակ» օրաթերթի, NEWS.am-ի eu panarmenian.net-ի լրագրողները: Ծեծի են ենթարկվել նաեւ «Արմենիա» հեռուստաընկերության լրագրող Դավիթ Դավթյանն ու օպերատորԽաչատուր Եսայանը, 1in.am-ի երեք օպերատորները:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
ԱԱԾ-ն «Տավուշը հանուն հայրենիքի» շարժման աջակիցներին հորդորում է չոտնձգել իրավակարգի դեմ
ՀՀ ազգային անվտանգության ծառայությունը սահմանադրական կարգի պահպանման…
Բագրատն ու ընդդիմությունը ծրագրում են մարդկանց բերել ԱԺ, պահել մի քանի օր և տանել բախումների․ Կոնջորյան
Խորհրդարանական ընդդիմությունը շատ լավ գիտի, որ ուղերձի նախագծով հնարավոր չէ հասնել հրաժարականին: Դրա մասին գիտի նաև Բագրատը…
Արդեն երրորդն օրն է՝ փակ է Բաղրամյան պողոտան. այսօր ԱԺ է գալու Փաշինյանը
Արդեն երրորդ օրն է, որ «Տավուշը հանուն հայրենիքի» շարժման աջակիցները...
ԱԺ–ում Փաշինյանի անվտանգության աշխատակիցները ստուգում են աթոռները. սեղաններից հավաքել են շշերը
Հիշեցնենք, որ այսօր ԱԺ-ում տեղի է ունենալու կռավարության հետ հարցուպատասխան, ներկա է լինելու Նիկոլ...
Ժամը 15։00-ին բոլորիդ սպասում եմ, ժողովուրդ. Բագրատ Սրբազանը վաղ առավոտյան «լայվ» է մտել
Այո΄, վաղը չափազանց կարևոր օր է, եթե կուզեք շատ ծանր ու ծանրակշիռ, վաղը ժամը 15։00-ին շատ մեծ թվով...
«Հրապարակ». Փողի խնդիր է առաջացել
Գերատեսչություններին առաջարկվել է ֆիննախի հետ քննարկումներով հասկանալ, թե ծախսերի որ ուղղությունները...
Ամենաշատ