News
Լրահոս
News
Ուրբաթ
Հունվար 24
USD
478.87
EUR
528.43
RUB
7.75
ME-USD
0.05
Տեսնել լրահոսը

2006 թ. Հայաստանի Ազգային Ժողովն օրենք ընդունեց՝ «Ինովացիոն գործունեության պետական աջակցության մասին»:

Թեեւ ՀՀ կառավարությունը տարբեր առիթներով մշտապես շեշտել է ինովացիաների վրա հիմնված տնտեսության զարգացման անհրաժեշտությունը, սակայն մասնագիտական շրջանակներում կառավարության քայլերը անբավարար են գնահատում։

NEWS.am- Ինովացիայի թղթակցի հետ հարցազրույցում «Տնտեսություն եւ արժեքներ» հետազոտական կենտրոնի նախագահ, «Ի-Վի Քոնսալթինգ» ընկերության տնօրեն Մանուկ Հերգնյանն ասաց, որ Հայաստանում կառավարական շրջանականերում, ընդհանուր առմամբ, ինովացիաների խթանման կարեւորության գիտակցումը կա, սակայն լուրջ ջանքեր է պետք ներդնել իրական արդյունքներ ստանալու համար:

Հերգնյանը մի քանի պատճառներ նշեց, թե ինչու կառավարության, գիտական եւ մասնավոր հատվածի ջանքերը բավարար չեն: «Նախ եւ առաջ այդ ամենը գալիս է նրանից, որ ոլորտի կոորդինացումը բավականին թույլ է, եւ բացի այդ՝ բոլորը գիտակցում են, որ այդտեղ ներդրված միջոցները` ջանքը, մարդկային ռեսուրսները, գումարները եւ այլն, իրենց արդյունքը տալու են ոչ թե միանգամից, այլ երկարաժամկետ հեռանկարում»,-ասաց Հերգնյանը` հավելելով, որ այսօր մենք ավելի շատ զբաղված ենք իրավիճակային խնդիրներ լուծելով, իսկ երկարաժամկետ խնդիրները, կարծես, անընդհատ հետաձգվում են:

Ըստ նրա` Հայաստանում բացակայում է ինովացիաների խթանման հրատապության  գիտակցումը: «Մեզ մոտ չկա այն զգացողությունը, որ այսօր պետք է աշխատել ու վերակենդանացնել ինովացիոն պոտենցիալը եւ դրա հիման վրա նաեւ ինովացիոն սեկտորը, քանի որ ամեն մի կորցրած օր էական կորուստ է, իսկ ինովացիոն սեկտորը պետք է ստեղծենք մեր ունեցած ակտիվների եւ ժառանգության հիման վրա` որն արագորեն մաշվում է»,-ասաց «Տնտեսություն և արժեքներ» հետազոտական կենտրոնի ղեկավարը: Նրա խոսքով` այդ պոտենցիալը ստեղծելու համար պիտանի ռեսուրսների մի մասը ժառանգված է Խորհրդային Միությունից, սակայն այն արագ տեմպերով ձգտում է զրոյի:

«Եթե այսպես շարունակվի, 5 կամ մաքսիմում 10 տարի անց մենք ստիպված  կլինենք ամեն ինչ ստեղծել զրոյից, եւ յուրաքանչյուր կորցրած օր մեզ տանում է դեպի զրո մակարդակ, այնպես որ կարելի է ասել, որ այդ հրատապության զգացողությունը թերեւս ամենակարեւոր խնդիրն է»,- ասաց Հերգնյանը:

Վերջում Հերգնյանը նշեց, որ Հայաստանում ինովացիաների խթանման իրական ջանքերի պակասությունը պայմանավորված է նաեւ համապատասխան պետական կառավարման համակարգի իներցիոնությամբ: «Ընդհանրապես համարյա բոլոր երկրներում պետական կառավարման համակարգը շատ իներցիոն է, եւ այս ոլորտի զարգացումը մեծապես կախված է դինամիկ մասնավոր հատվածի եւ գիտության եւ գործարարության արդյունավետ կապերի ստեղծումից»,-ամփոփեց նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԱՄՆ-ը Չեխիային սպառնում է կոնտրմիջոցներ կիրառել 7 տոկոսանոց թվային հարկ սահմանելու դեպքում
Եվրոպական որոշ երկրներ քննարկում են այնպիսի հարկի սահմանում, որն ավելի շատ գումարներ կբերի այնպիսի ընկերություններից, ինչպիսիք են Google եւ Facebook...
Կրիպտոարժույթները կարող են փոխարինել կանխիկին որոշ դեպքերում. Իլոն Մասկ
Մասկը թվային արժույթի ոչ կողմնակիցն է, ոչ էլ հակառակորդը...
Google-ը սմարթֆոններից կախվածության վերահսկման միջոց է մտածել
Այս անգամ ընկերությունը երեք նոր հավելված է ներկայացրել․․․
Google-ը անվտանգության հետ կապված խնդիրներ է հայտնաբերել Safari բրաուզերում
Մի քանի խնդիրներ Google-ի Safari բրաուզերում...
Ո՞րն է «Արմաթ» լաբորատորիաների հետ կապված պրոբլեմը. Վարչապետը ներկայացրեց խնդիրը
«Արմաթ» լաբորատորիաների ֆինանսավորումն աճել է 10 անգամ. այս պահին պետք է մի պահ դադար վերցնենք»…
Internet Explorer-ում վտանգավոր խոցելիություն են հայտնաբերել
Microsoft-ն արդեն արձագանքել է տեղեկությանը եւ խոստացել անվտանգության փաթչ թողարկել…
Ֆոտոռեպորտաժներ