News
Լրահոս
News
Հինգշաբթի
Հունվար 27
USD
482.47
EUR
544.52
RUB
6.1
Տեսնել լրահոսը

Ոստիկանությունը Բաղրամյան պողոտայում երկար փնտրել եւ սադրիչ է գտել, այն էլ ուկրաինուհու։

Հայաստանի փոխոստիկանապետ Հունան Պողոսյանը Բաղրամյան պողոտայում լրագրողների հետ զրույցում հայտնեց, թե իրենք սադրիչի են գտել՝ ուկրաինացի աղջկա, եւ նրան հորդորել են լքել տարածքը։ Լրագրողի հարցին, թե ինչպես են իմացել, որ նա սադրիչ է, Հունան Պողոսյանը պատասխանեց. «Մենք դրա համար ենք գումար ստանում»։

Փոխոստիկանապետը այժմ դժգոհում է բողոքի ակցիայի նախաձեռնողներից, նշում, թե նախորդ օրերին լավ համագործակցում էին, բայց այժմ ակցիայի մանսակիցները սրման են գնում, մարդիկ են հայտնվել, որոնք ագրեսիվ բաներ են անում։ «Ոստիկանությունը ունի հստակ գործառույթներ։ Մենք առայժմ համագործակցում ենք, հորդորում, որ հարգեն մեզ։ Բոլոր պայմանավորվածությունները մենք պահում ենք, բայց հանրահավաքի մասնակիցները մեծ մասը չեն պահում»,- ասել է Պողոսյանը։

Նա հայտնել է, թե իրենց կարող են ցանկացած պահի գործողություներ կատարել։ «Ցանկացած պահին կարող ենք կատարել, ուժ եւ հնարավորություններ ունենք։ Նորից եմ կրկնում, երեխեք, էնտեղ սադրիչներ կան»,- ասաց նա, իսկ հարցին, թե ինչու բերման չեն ենթարկում այդ սադրիչներին, եթե տեղեկություններ ունեն, Հունան Պողոսյանը պատասխանեց. «Այս զանգվածի մեջ սադրիչներ բերման ենթարկելը նոր սադրանք կծնի»։

Խոսելով նախորդ օրը իրենց կիրառած բռնի գործողությունների մասին, նա նշել է, թե ծառայողական քննություն է ընթանում, քրգործ էլ է հարուցվել դեպքերի կապակցությամբ։

«Քանի խաղաղ է ցույցը, ոստիկանությունը ուժ չի կիրառի»,- համենայն դեպս ասաց փոխոստիկանապետը։

Լրագրողները նաեւ հիշեցրել են եվրոպական կառույցների եւ դեսպանատների խիստ քննադատությունները ոստիկանության կողմից ոչ համաչափ ուժ կիրառելու մասին, ի պատասխան Հունան Պողոսյանը վրդովվեց եւ ասաց. «Ես չեմ կարող լուրջ վերաբերվել մի կարծիքի, որը վայրկյաններ հետո է հնչել։ Մեր թերությունները առաջին հերթին մեզ են տեսանելի»։

Նշենք, որ հունիսի 23-ի երեկոյան, ժամը 19:00-ից քաղաքացիները հավաքվել են Բաղրամյան պողոտայում, փակել այն եւ պահանջում են կասեցնել հունիսի 17-ին կայացրած որոշումը:

Հիշեցնենք, որ չնայած էլեկտրաէներգիայի սակագնի բարձրացման դեմ ուղղված բազմաթիվ բողոք-ակցիաներին հունիսի 17-ին, ՀԾԿՀ հանձնաժողովի նիստում հաստատվել է էլեկտրաէներգիայի նոր սակագինը։ էլեկտրաէներգիան թանկացել է 6.93 դրամով՝ մեկ  կՎտ/ժ-ի դիմաց 41.85 դրամից դառնալով 48.78 դրամ։  «Հայաստանի էլեկտրական ցանցեր» (ՀԷՑ) ընկերությունը առաջարկել էր էլեկտրաէներգիայի մեկ կիլովատտ/ժամը թանկացնել 17 դրամով:

 

 

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Ամենաարդյունավետը Սեւանի շուրջ կոյուղաջրերի մաքրման կայանի կառուցումն է». հանդիպում Գեղարքունիքում
Սևանա լճի շրջակայքում ապակենտրոնացված եղանակով կոյուղաջրերի մաքրման փորձարկային կայանի կառուցմանն ուղղված տեխնիկատնտեսական...
Ռուստամ Բադասյանը ՄԱԿ-ի ներկայացուցչին ներկայացրել է ՊԵԿ-ի՝ առաջիկա տարիների բարեփոխումների օրակարգը
ՊԵԿ նախագահն ընդունել է ՄԱԿ-ի Զարգացման ծրագրի մշտական ներկայացուցչին Կողմերը բարձր են գնահատել ՄԱԶԾ հետ համագործակցությունը...
Էկոնոմիկայի նախարար. տոտալիզատորների գովազդի սահմանափակումը մեծ վնաս է հասցնում ԶԼՄ-ներին
Նրա խոսքով՝ տոտալիզատորների գովազդի սահմանափակումը նոր ներդրումների տեսանկյունից որեւէ վտանգ չի ներկայացնում․․․
Վահան Քերոբյան. Թուրքական ապրանքների էմբարգոյի պատճառով գնաճ է գրանցվել
«Կարճաժամկետ հեռանկարում այս որոշումը բացասական հետեւանքներ ունեցավ...
Հաստատվել է Հայ-իտալական միջկառավարական հանձնաժողովի հայկական կողմի կազմը. Այն կնախագահի Վահան Քերոբյանը
Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի...
Տոհմային խոշոր եղջերավոր կենդանիներ ձեռք բերելու դեպքում տնտեսվարողներին վարկը կտրամադրվի 2-3 տոկոսով
Տոհմային տավարաբուծության զարգացման ծրագրում մտցրել ենք վարկային...
Ամենաշատ
Ֆոտոռեպորտաժներ