«Մարզադաշտից դուրս» հաղորդման հյուրը Հայաստանի ազգային հավաքականի եւ Տաշքենդի «Լոկոմոտիվի» հարձակվող Ռուսլան Կորյանն է:
Ռուսլան, ինչպե՞ս ընտանիքդ արձագանքեց, երբ քեզ հրավիրեցին Հայաստանի ազգային հավաքական:
Բոլորը շատ երջանիկ էին: Բոլորը լալիս էին ուրախությունից:
Տիրապետո՞ւմ ես հայերենին:
Այո, համշենցիների հայերենին: Գրական հայերեն հասկանում եմ, բայց չեմ խոսում:
Ռուսաստանում հանդես եկող ֆուտբոլիստների համար մեծ դժվարություն է միանալ Հայաստանի հավաքականին, լեգիոներների թվի սահմանափակման այդ օրենքի պատճառով: Ինչ ես կարծում, ինչպե՞ս պետք է վարվեն ֆուտբոլիստները, որոնք երազում են խաղալ հավաքականում, բայց նաեւ գիտակցում, որ ակումբային կարիերան իրենց հիմնական եկամուտն է:
Ես երկար էի մտածում այդ մասին եւ հասկացա, որ ինձ համար ավելի կարեւոր է խաղալ հավաքականում, քան կառչել ռուսական ինչ-որ անձնագրից: Գումար վաստակել միշտ էլ կարելի է: Փառք Աստծու ունենք ձեռքեր ու ոտքեր: Իսկ հավաքականում հանդես գալը մեծ պատիվ է: Ինձ համար դա ավելի կարեւոր է:
Պորտուգալիայի հետ խաղում առաջին անգամ հանդես եկար Հայաստանի հողի վրա: Ի՞նչ զգացողություններ ունեիր:
Հիանալի զգացողություն էր, երբ բոլորը գոռում էին Հայաստան ու երգում օրհներգը: Շատ հզոր էր՝ փշաքաղվելու չափ:
Մանրամասները տեսանյութում
Հարգելի ֆուբոլասերներ,
ԱԿԲԱ-ԿՐԵԴԻՏ ԱԳՐԻԿՈԼ ԲԱՆԿԸ ներկայացնում է MasterCard UEFA Champions League քարտը, որը ֆուտբոլային թեմայով միակ քարտն է Հայաստանում:MasterCard UEFA Champions League քարտը հնարավորություն է տալիս ոչ միայն տնօրինել Ձեր ֆինանսական միջոցները,այլ նաև ստանալ պարգևատրումներ UEFA Championes League լոգոտիպը կրող տարատեսակ հուշանվերներ UEFA-իպաշտոնական կայք էջից: Մանրամասներն http://www.acba.am կայքում:
Վերա Մարտիրոսյան/ Vera&Football