News
Լրահոս
News
Շաբաթ
Նոյեմբեր 17
Տեսնել լրահոսը

Ամենայն հայոց կաթողիկոս Գարեգին Բ-ի տնօրինությամբ Գերաշնորհ Տ. Բագրատ եպիսկոպոս Գալստանյանը նշանակվել է Տավուշի թեմի առաջնորդ:

Տ. Բագրատ եպիսկոպոս Գալստանյան

(կենսագրություն)

Տ. Բագրատ եպիսկոպոս Գալստանյանը (ավազանի անունը՝ Վազգեն) ծնվել է 1971 թ. Գյումրիում:

1988-1994 թթ. ուսանել է Մայր Աթոռ Սուրբ Էջմիածնի Գևորգյան հոգևոր ճեմարանում:

1994 թ. ձեռնադրվել է սարկավագ՝ ձեռամբ Տ. Անանիա եպիսկոպոս Արաբաջյանի:

1995 թ. գերազանցությամբ ավարտել է Գևորգյան հոգևոր ճեմարանը` պաշտպանելով ավարտաճառ «Խոսրով եպիսկոպոս Անձեւացու Ժամակարգութեան մեկնութիւնն ու աստուածաբանութիւնը (նորագիւտ ձեռագրերով եւ մատենագիտական ուսումնասիրութեամբ)» թեմայով:

1995 թ. հուլիսի 23-ին` Ս. Պայծառակերպության տոնին, ձեռնադրվել է կուսակրոն քահանա՝ ձեռամբ Ն.Ս.Օ.Տ.Տ. Գարեգին Ա Ամենայն Հայոց Կաթողիկոսի:

1996 թ. նշանակվել է Մայր Աթոռ Սուրբ Էջմիածնի «Էջմածին» պաշտոնական ամսագրի գլխավոր խմբագիր: Միևնույն ժամանակ նշանակվել է նորահաստատ Քրիստոնեական դաստիարակության և քարոզչության կենտրոնի փոխտնօրեն՝ վարելով ուսուցիչների պատրասման ծրագիրը Հայաստանի Արմավիր, Մասիս, Արտաշատ, Ապարան քաղաքներում և Երևանի Ամերիկյան համալսարանում: Հիմնադիր անդամն է քրիստոնեական առաջին՝ «Կանթեղ» հեռուստածրագրի: Գևորգյան և Վազգենյան ճեմարաններում դասավանդել է «Սուրբ Պատարագի մեկնություն», «Շարականագիտություն» և «Ընդհանուր Եկեղեցու պատմություն» առարկաները:

1996-1998 թթ. առկա պաշտոններին զուգահեռ եղել է Գարեգին Ա Ամենայն Հայոց Կաթողիկոսի գավազանակիրը:

1998-2000 թթ. սովորել է Անգլիայի Լիդձ քաղաքի համալսարանում և Մըրֆիլդի Սուրբ Հարության Աստվածաբանական քոլեջում՝ մասնագիտանալով աստվածաբանական և հովվական ուսումնասիրության մեջ և ստանալով բակալավրի աստիճան: Միևնույն ժամանակ եղել է Մեծ Բրիտանիայի հայոց թեմի Մանչեսթրի Ս. Երրորդություն եկեղեցու այցելու հովիվը:

1996-2000 թթ. եղել է Հայաստանում Քրիստոնեության պետական կրոն հռչակման 1700-ամյակի կազմակերպման կենտրոնական մարմնի անդամ:

2000 թ. Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի տնօրինությամբ նշանակվել է Սևանի Վազգենյան դպրանոցի տեսուչ:

2002 թ. պաշտպանել է «Հիւանդաց Օծման խորհուրդի խնդիրը Հայ Եկեղեցում» թեմայով վարդապետական թեզը և ստացել մասնավոր վարդապետության 4 աստիճանները:

2002 թ. զուգահեռ նշանակվել է նաև Մայր Աթոռի Տեղեկատվական համակարգի խորհրդի նախագահ, եղել է «Շողակաթ» հեռուստաընկերության տնօրենների խորհրդի նախագահ և վարել է հեղինակային՝ «Ճանաչենք Ավետարանը» հեռուստահաղորդումների շարքը:

2002 թ.-ին զուգահեռաբար նշանակվել է Արագածոտնի թեմի առաջնորդական տեղապահ:

2003 թ. մայիսին ընտրվել է Հայ Եկեղեցու Կանադայի հայոց թեմի առաջնորդ:

2003 թ. հունիս 22-ին Սուրբ Էջմիածնի տոնին ձեռնադրվել է եպիսկոպոս՝ ձեռամբ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի:

2008 թ.-ին երկրորդ անգամ վերընտրվել է Կանադայի հայոց թեմի առաջնորդ:

2012 թ. սեպտեմբերի 21-ին Մոնրեալի Քոնքորդիա համալսարանում պաշտպանել է աստվածաբանության և կենսաբանական բարոյագիտության դոկտորական թեզ «Հայաստանի առողջապահական համակարգը. պատմական, սոցիալական և աստվածաբանական եզրաշերտը, անցյալը ներկան և ապագայի զարգացման հեռանկարը» խորագրով:

2013 թ. Ն.Ս.Օ.Տ.Տ Գարեգին Բ Ամենայն Հայոց Կաթողիկոսի տնօրինությամբ նշանակվել է Մայր Աթոռ Սուրբ Էջմիածնի Եկեղեցական հայեցակարգային հարցերի գրասենյակի տնօրեն:

Հրատարակել է բազմաթիվ աստվածաբանական, հրապարակախոսական, քարոզխոսական, մշակութային հոդվածներ, «Հիւանդաց Օծման խորհուրդի խնդիրը Հայ Եկեղեցում» աշխատությունը, «Խոհեր» հոգևոր-խորհրդածական գրքույկը:

2013 թ. արժանացել է Անգլիայի Եղիսաբեթ Բ թագուհու ադամանդյա հոբելյանի մեդալին:

Տպել
Կարդացեք նաև
Ամբողջը
Աչոկներ շահել Հայ եկեղեցու արժեքների վրա, համարում եմ ցածրամակարդակ, հետամնաց երեւույթ. Մելքումյանը՝ ՀՀԿ-ականներին
Վերջին պահին այդ հայրենասիր հորջորջվելը, մյուսներին էլ սրբապղծության մեջ մեղադրելը ուղղակի մերկապարանոց, չհիմնավորված, շոուի համար է սարքած...
Եթե այսօր Վեհափառը չի կարողանում շրջել ժողովրդի մեջ, դա իր պրոբլեմն է. Սասուն Միքայելյան
Ես խորհուրդ կտայի հաջորդ խորհրդարանում այս 28 հոգուն դասել սրբերի դասին...
Հայ առաքելական եկեղեցին վտանգավոր սողոսկումներից պետք է պաշտպանել. Գեւորգ Պետրոսյան
Խնդիրը Հայ առաքելական եկեղեցու դեմ բողոքելու իրավունքը սահմանափակելը չէ...
Ինձ համար շատ կարեւոր է իմ շփումը Հայ առաքելական եկեղեցու Հայրապետի հետ. Փաշինյան
Նիկոլ Փաշինյանը հանդիպել է Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի հետ...
Գարեգին Բ-ն նոր նշանակում է արել
Գերաշնորհ Տ. Գեւորգ եպիսկոպոս Սարոյանը, ազատվելով Մայր Աթոռ Սուրբ Էջմիածնի հոգեւոր-կրթական բարձրագույն հաստատությունների վերատեսչի...
Հայրապետական մաղթանք Մայր Աթոռում՝ կաթողիկոսի գահակալության 19-րդ տարեդարձի առթիվ (ֆոտո)
Հայրապետական մաղթանքին ներկա են գտնվել Վաղարապատի քաղաքապետ Դիանա Գասպարյանը եւ Արմավիրի մարզպետ Համբարձում Մաթեւոսյանը․․․
Partner news