Փայլաթիթեղագլանման «Արմենալ» գործարանը (աշխարհում ալյումին արտադրող «Ռուսալ»-ի կազմի մեջ է մտնում) իր գոյության 15 տարիների ընթացքում թողարկել է 230 հազար տոննայից ավելի արտադրանք, որի շուրջ երկու երրորդը՝ վերջին հինգ տարիներին: Ձեռնարկության տարեկան արտադրության ծավալն աճել է 2000 թ. 768 տոննայից մինչեւ մոտ 30 հազար տոննա՝ 2014 թ.:
Նման արդյունքի հնարավոր է եղել հասնել «Ռուսալ»-ի ներդրումների հաշվին, որոնց ծավալը 15 տարվա ընացքում գերազանցել է 130 մլն դոլարը:
«Արմենալ»-ի համար առավել արգասաբեր են եղել 2010-2015 թվականները: Այս ժամանակահատվածում արտադրության ծավալները եւ մեկ աշխատողին բաժին ընկնող արտադրանքը աճել են 1,5 անգամ, փայլաթիթեղի հաստությունը նվազել է 17,5 միկրոնից մինչեւ 13 միկրոն, արտաքին խոտանը նվազել է 22,5 անգամ, իսկ միջին ամսական աշխատավարձ աճեց ավելի քան 2 անգամ՝ մինչեւ 370 հազար դրամ:
2012 թվականից հայ փայլաթիթեղագործների աշխատավարձն ինդեքսավորվում է: Ընդ սմին ամսական ինդեքսացիայի չափը նախնական 1945-ից աճել է մինչեւ 41 610 դրամ՝ ընթացիկ տարվա առաջին կիսամյակում:
2015-2016 թվականներին ձեռնարկությունը կավարտի «Ռազմավարություն 33 600 տոննա»-ի իրագործումը: Ներկայումս մշակվում է «Արմենալ – 40 000» ծրագիրը: Այս բարձր ցուցանիշին գործարանը նախատեսում է հասնել 2017-2020 թթ», - ասել է ընկերության գլխավոր տնօրեն Վյաչեսլավ Սինելնիկովը:
Գործարանի 15-ամյակի եւ Մետաղագործի օրվա մասնագիտական տոնի առիթով «Արմենալ»-ում տեղի են ունեցել համերգ եւ լավագույն աշխատողների պարգեւատրում: