News
Լրահոս
News
Երեքշաբթի
Ապրիլ 23
Տեսնել լրահոսը

2015 թվականի հուլիսի 22-ին «Արդշինբանկ» ՓԲԸ առաջինը Հայաստանի մասնավոր հատվածում թողարկել է եվրոպարտատոմսեր (RegS/144A ֆորմատներով): Ba3 վարկանիշ (ըստ Moodys-ի) եւ B+ վարկանիշ (ըստ Fitch-ի) ստացած այդ եվրոպարտատոմսերի թողարկման ծավալը կազմել է 100 մլն ԱՄՆ դոլար, մարման ժամկետը 2020 թվականին:

Բանկի մամուլի ծառայությունից հայտնում են, որ եվրոպարտատոմսերը ցուցակված են Իռլանդիայի ֆոնդային բորսայում (Irish Stock Exchange), իսկ քլիրինգն իրականացվում է Euroclear եւ Clearstream-ի համակարգերում:

Նոր, 5 տարվա երկարաժամկետ ֆինանսական միջոցների ներգրավումն Արդշինբանկին հնարավորություն է տալիս առաջարկել իր հաճախորդներին ավելի երկարաժամկետ վարկային միջոցներ ու օգտվել աճի հնարավորություններից՝ ամրապնդելով բանկի մրցակցային առավելությունները Հայաստանի բանկային շուկայում:

Թողարկմանը զուգահեռ իրականացվել է «թույլտվության ստացման» (consent solicitation) գործողությունը, որով բանկի կողմից 2014 թվականի դեկտեմբերին թողարկած 75 մլն ԱՄՆ դոլարի պարտատոմսերի պայմանները համապատասխանեցվել են նոր եվրոպարտատոմսերի թողարկման պայմաններին: Թույլտվության ստացման բանկի առաջարկությանը կողմ են քվեարկել ներդրողների ձայների 100%: Ի լրումն, Արդշինբանկն առաջարկել է նախկինում թողարկված 75 մլն ԱՄՆ դոլարի պարտատոմսերի ներդրողներին վաղաժամկետ մարել դրանք եւ/կամ ձեռք բերել (տեղափոխվել) իր նոր թողարկված եվրոպարտատոմսերը: Բարձր՝ 80% տեղափոխման գործակիցը մեկ անգամ եւս փաստեց ներդրողների բարձր վստահությունը Արդշինբանկի ֆինանսական կայունությանը:

Բանկն իրականացրել է մանրամասն մշակված մարքեթինգային արշավ Լոնդոնում, Ցյուրիխում, Նյու Յորքում ու Բոսթոնում՝ հնգօրյա ներկայացումներին գրավելով ավելի քան 35 ինստիտուցիոնալ ներդրողների ուշադրությունը:

Եվրոպարտատոմսերի թողարկումն իրականացվել է J.P.Morgan Securities plc. ներդրումային բանկի օժանդակությամբ, որն եղել է թողարկման միակ կառավարիչը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արդշինբանկ. նոր հեռախոսահամար՝ նախատեսված դրամական փոխանցումներ ստանալու համար
Հեռախոսահամարը գործում է 24/7, գումարի փոխանցումը հաշվեհամարին կատարվում է անմիջապես...
Արթուր Ջավադյանը մեկնել է Ֆրանկֆուրտ. նա կքննարկի հիփոթեքային շուկայի զարգացման ծրագրերի իրականացման ժամկետները
Նիստում քննարկվելու են KfW բանկի հետ իրականացվող ընթացիկ ծրագրերը եւ վերջիններիս հնարավոր զարգացումները, ինչպես նաեւ վերականգնվող էներգետիկայի...
«Ամերիաբանկի» նախաձեռնությամբ տեղի ունեցավ Դավիթ Յանի վարպետության դասը ՄՌԿ մասնագետների համար
Դավիթ Յանը վարպետության դաս անցկացրեց նաև «Ամերիաբանկի» աշխատակիցների համար...
«Յունիբանկի» դոլարային պարտատոմսերով առաջարկվում է 5% երաշխավորված տարեկան եկամտաբերություն
Պարտատոմսերով ներգրավված դրամական միջոցները երաշխավորված են «Ավանդների հատուցումը երաշխավորող հիմնադրամի» կողմից...
Արդշինբանկը շարունակում է առաջարկել խնդրահարույց վարկային պարտավորությունների վերաֆինանսավորման գործիքներ
Գրավով չապահոված վարկերի վերաֆինանսավորման և ներման պայմանները հրապարակված են Արդշինբանկի պաշտոնական կայքէջում...
«Ամերիաբանկի» նորաբաց «Աբովյան» մասնաճյուղի առաջարկը նոր հաճախորդներին՝ արտոնյալ պայմաններով (ֆոտո)
Մասնաճյուղը մատուցելու է «Ամերիաբանկի» կողմից առաջարկվող բոլոր ծառայությունները...