News
Լրահոս
News
Չորեքշաբթի
Օգոստոս 04
Տեսնել լրահոսը

Եթե Անդրանիկ Նիկողոսյանն իմ ընտրվելու հարցն է քննարկում, ինքը ազատ է, կարող է այն վիճարկել, եթե իհարկե նման հնարավորություններ ունի: Այս մասին NEWS.am-ի թղթակցի հետ զրույցում ասաց ԱԺ անկախ պատգամավոր Էդմոն Մարուքյանը, անդրադառնալով վերջինիս այն հայտարարությանը, թե Էդմոն Մարուքյանը ԱԺ պատգամավոր է դարձել ոստիկանության կեղծ տեղեկանքի հիման վրա:

Հիշեցնենք, որ Մարուքյանը պահանջում է Նիկողոսյանից հետ վերցնել ԱԺ-ի շնորհած բարձրագույն պարգեւը՝ ԱԺ պատվո մեդալը, Հայաստանը Ռուսաստանի կազմ մտցնելու մասին արած հայտարարության համար:

Նա նշեց, որ Անդրանիկ Նիկողոսյանի այդ հայտարարությունը իրեն չի ուղղված, այլ ուղղված է վերջինիս բարձր պարգեւներ տվողներին: «Ես իր հետ քննարկման դաշտ չեմ մտնի, նա ինձ համար այդ մակարդակում գոյություն չունի, սա արդեն լկտիության մյուս մակարդակն է, իր հետ կապված արդեն ամեն ինչ ասված է, մինչեւ վերջ պետք է գնանք ու նրան զրկենք պարգեւներից, երեւի այդպես փորձում է շեղել իր մեդալների պատմությունից, չի հաջողվի: Իր նման մարդիկ չեն կարող սպառնալ կամ հարցականի տակ դնել ժողովրդի կողմից ընտրված առաջնային մանդատ ունեցողներին, դա ծիծաղելի է»,-ասաց նա:

Հարցին, թե ինչ ոստիկանական կեղծ տեղեկանքի մասին է խոսում Նիկողոսյանը, Էդմոն Մարուքյանն ասաց, որ եթե Անդրանիկ Նիկողոսյանը տվյալներ ունի, կարող է դիմել դատարան, դատախազություն կամ պետդումա:

Նշենք, որ ժամանակին լրատվամիջոցները գրել էին, թե Էդմոն Մարուքյանը 1 տարուց ավելի բացակայել է երկրից, սակայն նրան տրվել է կեղծ տեղեկանք այն մասին, որ վերջին հինգ տարում մշտապես բնակվել է Հայաստանում:  Պատգամավորը հայտարարել էր, որ ինքը մշտական չի բացակայել, այլ գնացել-եկել է, ոստիկանությունը եւս հերքել էր տեղեկությունները:

Հիշեցնենք, որ «Հայկական ժամանակ» թերթին տված հարցազրույցում, անդրադառնալով ԱԺ պատգամավոր Էդմոն Մարուքյանի պահանջին՝ Նիկողոսյանից հետ վերցնել ԱԺ-ի շնորհած բարձրագույն պարգեւը ԱԺ պատվո մեդալը Հայաստանը Ռուսաստանի կազմ մտցնելու մասին արած հայտարարության համար, Նիկոդոսյանն ասել է, թե ավելի հեշտ է Մարուքյանից մանդատը հետ վերցնել, քան իրենից իր ստացած պարգեւները: «Ի դեպ, ես էլ տեղյակ եմ, որ Մարուքյանը ոստիկանության կողմից տրված կեղծ տեղականքի հիման վրա է ընտրվել ԱԺ պատգամավոր, ու նրա կեղծիքը համառորեն կոծկեց Հայաստանում ԱՄՆ դեսպանատունը՝ հայտնի պատճառներով»,-ասել է Նիկողոսյանը:

Տպել
Կարդացեք նաև
Ամբողջը
Ժամանակը ցույց կտա՝ չագուչն ում գլխին կջարդվի․ Վահե Հակոբյան
Ես այստեղ տեսնում եմ միտում, ու մենք շուտով մենք կտեսնենք ցավոտ զիջումները․․․
Մենք չենք կարող բանակցել այս իշխանության հետ, որի օրոք կորցրել ենք Արցախի 75 տոկոսը, տվել ենք զոհեր․ Իշխան Սաղաթելյան
Ես երբևէ պետական որևէ բարձր պաշտոն չեմ ունեցել՝ բացառությամբ․․․
«Ժողովուրդ». Ով կզբաղեցնի զինդատախազի պաշտոնը, և ինչ է սպասվում Արթուր Դավթյանին. Փաշինյանը որոշումներ է կայացրել
Այժմ քննարկվում է Զինվորական դատախազի հարցը...
«Ժողովուրդ». Ով է Գագիկ Ջհանգիրյանի լուր բերող խորհրդականը
Ստացվում է, որ իշխանությունները իրենց ոչ ցանկալի լրատվամիջոցներին...
«Փաստ». «Նոր» կարգավիճակում՝ նոր այցեր
Միևնույն ժամանակ, դիվկորպուսին հանձնարարված է գտնել ուղիներ…
«Ժողովուրդ». Ինչ տակտիկա է մշակել իշխող խմբակցությունը
Իշխանական պատգամավորները սպասում են, որ ընդդիմադիր «Հայաստան» դաշինքը կոնտակտի դուրս գա իրենց հետ եւ անձամբ ասի, թե որ հանձնաժողովն է…
Ամենաշատ