Ռուսաստանը միջամտում է Հայաստանի եւ Իրանի միջեւ հարաբերություններին եւ փորձում է որոշել, թե ոն է հայաստանի համար ձեռնտու, որը՝ ոչ: Այս մասին, այսօր՝ օգոսոտոսի 13-ին, լրագրողների հետ հանդիպման ժամանակ նշել է Միջազգային եւ անվտանգության հարցերի հայկական ինստիտուտի ղեկավար, փորձագետ Ստյոպա Սաֆարյանը՝ անդրադառնալով Իրանի դեմ պատժամիջոցները հանելուց հետո Հայաստանի առջեւ բացվող հեռանրակներին եւ դրանում ՌԴ դերին:
Նրա խոսքով, Իրանը Հայաստանի այն հարեւաններից է, որը շահագրգռված է Հայաստանի անկախությամբ: «Ակնհայտ է, որ Ռուսաստանը բացարձակապես շահագրգռված չէ Իրանի հետ Հայաստանի հարաբերությունների զարգացման ազատությամբ: Ստեղծված իրավիճակում Հայաստանը կարող է դառնալ ամենակարեւոր երկիրն այն տեսանկյունից, որ կարող է կապել Իրանը Եվրոպային: Բայց Հայաստանն այս ողջ ընթացքում շատ պասիվ է եղել, որովհետեւ մեր ռազմավարական դաշնակիցը թույլ չի տալիս մեզ ազատ լինել»,-ընդգծել է Սաֆարյանը: Նրա ներկայացմամբ, Ռուսաստանը դեմ է Իրանի եւ Եվրոպայի հարաբերությունների բարելավմանը:
Հիշեցնենք, որ Իրանի միջուկային ծրագրի շուրջ համաձայնագիրը ստորագրվել է հուլիսի 14-ին Վիեննայում:
