Երեւանում աղբի վերամշակման գործարան կստեղծվի։ Այդ մասին NEWS.am-ի թղթակցին հայտնել է Երեւանի փոխքաղաքապետ Վահե Նիկոյանը։ Մայրաքաղաքի քաղաքապետարանն արդեն ստացել է ներդրումային առաջարկներ մի շարք եվրոպական եւ կանադական ընկերություններից, ավելացրել է նա։
Առաջարկները խստորեն տարբերվում են ըստ վերամշակման ենթադրյալ ծավալի եւ այն արտադրանքի, որը նախատեսվում է արդյունքում ստանալ։ Աղբի նախնական տեսակավորման տարբերակը քաղաքի իշխանությունները չեն դիտարկում․ նրանց հետազոտության արդյունքում պարզվել է, որ քաղաքում այնքան աղբ չի գոյանում, որ դրա նախնական տեսակավորումը տնտեսապես շահավետ լիներ։ «Իսկ աղբանոցից վերցված աղբը վերամշակելու տարբերակը կարելի է քննարկել որպես պոտենցիալ շահավետ բիզնես-նախագիծ։ Վերամշակող գործարանի կառուցումը մենք համարում ենք ինքնածախսածածկող, դրա համար էլ չենք ուզում դրա համար վարկ վերցնել։ Այդ հարցը բիզնեսն էլ կարող է լուծել», - պարզաբանել է Նիկոյանը։