Ամերիկացի գիտնականները հաստատել են այն «խորհրդավոր հորմոնի» գոյությունը, որն արտադրվում է ֆիզիկական ծանրաբեռնվածության արդյունքում։
Dana-Farber Cancer Institute-ի եւ Հարվարդի բուժական դպրոցի հետազոտողները պարզել են, որ իրիսին անունով հորմոնը արյան մեջ շրջանառվում է նանոգրամների մակարդակում, բայց սպորտով զբաղվելիս նրա քանակն ավելանում է։ Երեք տարի առաջ այդ հորմոնի հայտնաբերումը հզոր փաստարկ դարձավ, որը հաստատում է սպորտով զբաղվելու օգտակարությունը։
Մկների դիտարկումները ցույց են տվել, որ երբ նրանց արյան մեջ իրիսինի մակարդակը բարձրաոնում է, արյան և նյութափոխանակության ցուցանիշները բարելավվում են, ինչը իրիսինը դարձնում է ճարպերի պոտենցիալ այրիչ։
