Հայաստանում հարցվածների 95%-ը հավանություն է տվել էլեկտրականության թանկացման դեմ Բաղրամյան պողոտայում երկու ամիս առաջ տեղի ունեցած ցույցերին: Այդ մասին են վկայում հարցման արդյունքները, որն անցկացվել է Հայաստանում Gallup ցանցի ներկայացուցչության կողմից: Հարցումն անցկացվել է հուլիսի 6 – 13-ին Երեւանում եւ շրջաններում` 1 106 մարդու մասնակցությամբ:
Ինչպես օգոստոսի 21-ին լրագրողներին հայտնել է ներկայացուցչության ղեկավար Արամ Նավասարդյանը, հունիսի 17-ին թանկացման մասին հայտարարությունից հետո ցուցարարների` Ազատության հրապարակ դուրս գալու, իսկ հետո նաեւ` Բաղրամյան պողոտան փակելու որոշումը միանշանակ դրական է գնահատել հարվածների 73%-ը, իսկ ավելի շուտ դրական` 22%-ը:
Ցույցներն ավելի շուտ բացասաբար կամ միանշանակ բացասաբար է գնահատել միայն 2%-ը, եւս 1%-ը դժվարացել է պատասխանել:
Ցույցերին մասնակցած լինելու մասին հայտարարել է 15%-ը (հիշեցնենք, որ քիչ թե շատ մեծ ցույցեր տեղի են ունեցել միայն Երեւանում եւ Գյումրիում):
Այդ 15%-ից 73%-ը ցույց է արել Բաղրամյան պողոտայում, 24% -ը` Ազատության հրապարակում, 11% -ը` Գյումրիում, 1% -ը` այլ քաղաքներում: Եվս 7%-ը հայտարարել է, որ մասնակցել է համացանցով, այդ թվում նաեւ` սոցցանցերով` բողոքներ ներկայացնելով: «Վատ արդյունք չէ, մենք ակնկալում էինք, թե ավելի մեծ կլինի համացանցային միտինգավորների տոկոսը», - հայտարարել է Նավասարդյանը:
Հիշեցնենք, որ չնայած բազմաթիվ բողոքներին, ՀԾԿՀ-ը հունիսի 17-ին հաստատել էր էլեկտրականության սակագնի 6,93 դրամով բարձրացումը` գինը հասցնելով մինչեւ մեկ կիլովատտ/ժամի համար 48,78 դրամի (մոտ 10,3 ամերիկյան ցենտի):
Հունիսի 27-ին` ցույցերի 6-րդ օրը, Սերժ Սարգսյանը խորհրդակցություն է անցկացրել պետական պաշտոնյաների հետ, որոնք պատասխանատու են տնտեսական քաղաքականության համար: Խորհրդակցության ընթացքում նա հայտարարել է, որ մինչեւ միջազգային աուդիտի ավարտը, որը կստուգի սակագնի բարձրացման պահանջի արդարացիությունը, Կառավարությունն իր վրա կվերցնի հավելյալ 6,93 դրամի բեռը:
Ֆինանսավորումը կշարունակվի մինչեւ С Deloitte & Touche CIS խորհրդատվական ընկերության կողմից վերլուծության ավարտը. այդ ընկերությունն ընտրվել է միջազգային տենդերի արդյունքում եւ պատրաստվում է իր աշխատանքն ավարտել 16 շաբաթվա ընթացքում:
Եթե խորհրդատվության արդյունքում թանկացումն արդարացված համարվի, սպառողները կսկսեն վաճառել նոր սակագնով: Հակառակ դեպքում պետությունը միջոցներ կձեռնարկի, որպեսզի «Հայաստանի էլցանցերից» հետ վերցնի հավելյալ գումարը եւ պատասխանատվության կանչի թանկացման համար մեղավոր բոլոր պաշտոնատար անձանց: