Լեռնային Ղարաբաղը բավական կայացած պետական կազմավորում է, որն իհարկե սերտորեն համագործակցում է Հայաստանի հետ։ Այս մասին NEWS.am-ի թղթակցի հետ զրույցում հայտարարեց ռուս քաղաքագետ Ալեքսանդր Սկակովը։
Նա նշեց, որ անկախության ճանապարհին Լեռնային Ղարաբաղը ավելի շատ հաջողություններ է գրանցել, քան ձախողումներ։ «Դա ակնհայտ է։ Սակայն պետք է հասկանալ, որ ազգերի ինքնորոշման իրավունքից բացի կա նաեւ Լեռնային Ղարաբաղի ապագա սահմանների հարցը։ Դա շատ բարդ հարց է»,- հավելեց Սկակովը։
1991թ. սեպտեմբերի 2-ին Լեռնային Ղարաբաղի Ինքնավար Մարզի ժողովրդական պատգամավորների եւ Շահումյանի շրջխորհրդի համատեղ նիստում հռչակվեց Լեռնային Ղարաբաղի Հանրապետության անկախությունը։ Անկախության պահից Լեռնային Ղարաբաղը հաջողությամբ կազմակերպել է 6 խորհրդարանական եւ 5 նախագահական ընտրություններ, որոնք միջազգային դիտորդների կողմից գնահատվել են որպես ազատ եւ թափանցիկ։