News
Լրահոս
News
Երեքշաբթի
Ապրիլ 23
Տեսնել լրահոսը

Սպառազինությունների վերահսկման միջազգային պայմանագրերը, մասնավորապես` ԵԱՀԿ շրջանակներում, որոնց անդամակցում են եւ Հայաստանը, եւ Ադրբեջանը, նախատեսում են զորավարժությունների վերահսկման մեխանիզմներ: Այդ մասին ասել է ՀՀ պաշտպանության նախարարի առաջին տեղակալ Դավիթ Տոնոյանը՝ պատասխանելով ՀՀ ՊՆ «Զինուժ» հեռուստածրագրի հարցին:

Սեպտեմբերի 3-6-ը Հայաստանի Հանրապետությունում անցկացվեցին «Շանթ-2015» ռազմավարական հրամանատարաշտաբային զորավարժությունները: Արդեն սեպտեմբերի 12-ին ՀՀ ՊՆ «Բաղրամյան» ուսումնական կենտրոնում տեղի կունենա այդ զորավարժությունների կրակային փուլը, իսկ հոկտեմբերի սկզբին կկազմակերպվի եւս մեկ` «Անքակտելի եղբայրություն» զորավարժությունը` արդեն ՀԱՊԿ շրջանակներում: Զուգահեռաբար, ադրբեջանական մամուլով լուրեր են տարածվել, որ սեպտեմբերի 6-ից 13-ը այդ երկրում նույնպես կազմակերպվում են զորավարժություններ, որոնց ընդգրկված են լինելու 65.000 անձնակազմ, 700 միավոր մարտական մեքենաներ, 500 միավոր հրթիռային եւ հրետանային համակարգեր, 40 միավոր ինքնաթիռներ եւ ուղղաթիռներ եւ այլն:

Արդյոք կա՞ն միջազգային մեխանիզմներ զորավարժությունների քանակական ցուցանիշները վերահսկելու եւ դրանց թափանցիկությունն ապահովելու համար, հարցին փոխնախարարը պատասխանել է. «Սպառազինությունների վերահսկման միջազգային պայմանագրերը, մասնավորապես` ԵԱՀԿ շրջանակներում, որոնց անդամակցում են եւ Հայաստանը, եւ Ադրբեջանը, նախատեսում են զորավարժությունների վերահսկման մեխանիզմներ: Մասնավորապես, Վիեննայի 2011թ. փաստաթուղթը սահմանում է, որ մասնակից պետությունները պետք է ծանուցեն մյուս բոլոր մասնակից պետություններին մինչեւ  9000 մարդ, ներառյալ ապահովման ուժերը կամ մինչեւ 250 մարտական տանկեր կամ մինչեւ 500 ՄԶՄ-ներ կամ մինչեւ 250  ինքնագնաց կամ քարշակող հրետանի, ականանետեր եւ համազարկային կրակի ռեակտիվ համալիրներ /100 մմ եւ ավելի տրամաչափի/ որեւէ մեկ զորավարժության մասին: Ընդ որում, եթե տվյալ մակարդակի զորավարժությունները նախատեսված չեն եղել նախորդ տարվա պլանով, ապա դրանց անցկացման մասին պետք է ծանուցվի անցկացումից առնվազն 42 օր առաջ»:

Ըստ Տոնոյանի, չնայած այն հանգամանքին, որ ՀՀ-ում անցկացվող «Շանթ» եւ «Անքակտելի եղբայրություն» զորավարժությունները չեն գերազանցում տվյալ սահմանաչափերը, այնուամենայնիվ, թափանցիկության եւ փոխվստահության ապահովման նկառատումներով դրանք ԵԱՀԿ սահմանված ընթացակարգերով հայտարարվել են: «Ինչ վերաբերվում է Ադրբեջանում անցկացվող զորավարժություններին, ապա, դատելով հրապարակված թվերից, դրանք պետք է հայտարարվեին նախապես, ինչը չի արվել: Ուստի սպառազինությունների վերահսկման ոլորտում Հայաստանի եւ Ադրբեջանի կողմից որդեգրած քաղաքականության տարբերության մասին լրացուցիչ մեկնաբանությունների անհրաժեշտություն չեմ տեսնում»,- ամփոփել է փոխնախարարը:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Լեռնային Ղարաբաղը պե՞տք է մասնակցի բանակցություններին. Կազիմիրով
Հայերին ինչ-որ բանում մեղադրելիս չի կարելի լռել երրորդ կողմի ծայրահեղությունների, ստախոսության, վտանգի եւ մոլագարության մասին…
Երբ ինձ ուղարկում եք Արցախի հարցը լուծելու, ինչու չեք ասում՝ կգնաս եւ հարցը կլուծես այսպես. Փաշինյան
Հեսա կծախեն, մեկը գրում էր հենց նոր ծախեցին պրծան...
Ադրբեջանական բանակի առասպելներն ու իրականությունը․ ռազմական բյուջեի առավելությունը ոչինչ չի ասում
Ադրբեջանական բանակի բոլոր աստիճաններում շատ բարձր է կոռուպցիայի մակարդակը, ինչը, բնականաբար, վատ է անդրադառնում նրա բարոյահոգեբանական վիճակի վրա․․․
Ղարաբաղյան հակամարտության կարգավորման բանակցություններում կառուցողական գործընթացներ կան. ԵՄԱ նախագահ
Բանակցություններում կառուցողական գործընթացներ են նկատվում...
«3 նախագահները ոտքերը այդտեղ ջարդել են, վարչապետն էլ հո՞ չի ջարդի». Բաբայանը՝ մադրիդյան սկզբունքների մասին
Չի եղել ժամանակ, որ Բաբայանը ինչ–որ մեկին պաշտպանի...
Փաշինյանը փորձում է նսեմացնել Արցախյան շարժումը. Շարմազանով
Տպավորություն է, որ Նիկոլ Փաշինյան վարչապետը, փոխարեն ձգտի հասնել Տեր-Պետրոսյանի, Քոչարյանի, Սերժ Սարգսյանի, Բագրատյանի, Էդվարդ Նալբանդյանի…