«Հայաստանի էլեկտրական ցանցեր» ընկերությունը կարող են վաճառել Կիպրոսում գրանցված օֆշորային ընկերության:
Այսօր՝ սեպտեմբերի 17-ին, կառավարության նիստում ՀՀ էներգետիկայի եւ բնակլան պաշարների նախարար Երվանդ Զախարյան հայտարարել է, որ «ՀԷՑ»-ի 100 տոկոսի սեփականատեր «Inter RAO Holding B. V.» ընկերությունը հայտ է ներկայացրել ՀԷՑ-ի բաժնետոմսերը «Լիորմանդ Հոլդինգզ Լիմիթեդ»-ին օտարելու վերաբերյալ:
Մոտ ժամանակներս Էներգետիկայի նախարարությունը, ինչպես նաեւ Հանրային ծառայությունները կարգավորող հանձնաժողովը կուսումնասիրեն հայտը եւ համապատասխան եզրակացություն կներկայացնեն:
Նշենք, որ Liormand Holdings Limited ընկերությունը գրանցված է Կիպրոսում 2010 թվականի նոյեմբերից: Համապատռասխան տվյալները հրապարակել է i-cyprus.com ոչ պաշտոնական կայքը, որը տեղեկություններ է ներկայացնում Կիպրոսի ռեգիստրում գրանցված ձեռնարկությունների մասին:
Հիշեցնենք, որ օգոստոսի 31-ին ՀԷՑ-ը աուդիտորի մրցույթ է հայտարարել: Նախնական գնահատականներով, աուդիտը տեղի կունենան մոտ երեք ամիս անց: Բացի այդ, մինչեւ դեկտեմբերի 3-ը Deloitte & Touche CIS կոնսալթինգային ընկերությունը պետք է ավարտի էներգետիկ համակարգի վերլուծությունը, որը կներկայացնի կառավարությանը:
