Գործող Սահմանադրությունը փոխելու անհրաժեշտություն չկա։ Այս մասին այսօր՝ սեպտեմբերի 18-ին, լրագողների հետ զրույցում ասաց ՀԱԿ անդամ, տնտեսագետ Վահագն Խաչատրյանը։
«Գործող Սահմանադրությունը երբեք էլ իրեն փոփոխելու անհրաժեշտություն ցույց չի տվել, դրա կարիքը չկա։ Այս Սահմանադրությունը ոչ թե մեր խնդիրները լուծելու, այլ ավելի է բարդացնելու։ Այս Սահմանադրությունը չի լինելու ոչ պետության, ոչ քաղաքացիների շահերից»,-ասաց նա։
Վահագն Խաչատրյանի խոսքով՝ նոր Սահմանադրությամբ գործող իշխանությունները փորձում են վերարտադրվել։
«Պարզորոշ երեւում է, որ գործող իշխանության վերարտադրության ինչ-որ հնարավորություն է, համենայնդեպս իրենք այդպես են տեսնում, որքան էլ իրենք չեն ուզում ուզում մեզ այդպես մատուցել, իրականում դա այդպես է։ Սա փոփոխություններ անվանելը սխալ է, սա սահմանադրական հեղաշրջում է»,-ասաց նա։
