Եվրոպական ժողովրդական կուսակցության նախագահ Ջոզեֆ Դոլը հայ ժողովրդին շնորհավորել է Հայաստանի Անկախության տոնի առթիվ։
«Այսօր մենք նշում ենք 24 տարի առաջ ձեռք բերած Հայաստանի անկախությունը։ Ազգային տոնի կապակցությամբ շնորհավորում եմ իմ բոլոր հայ գործընկերներին»,- գրել է քաղաքական գործիչը Facebook-ի իր էջում։ ԵԺԿ-ն (European People`s Party) ամենամեծ եվրոպական կուսակցությունն է։
Այն հիմնադրվել է 1976թ.։ Կուսակցության կազմում որպես հավաքական անդամներ ընդգրկված են ազգային քրիստոնեա-դեմոկրատական կուսակցությունները եւ մոտ գաղափարախոսությամբ Եվրամիության այլ ազգային կուսակցությունները։ ԵԺԿ-ում կա 39 երկրներից 72 կուսակցություն։ Հայաստանի Հանրապետական կուսակցությունը, «Օրինակ երկիրը» եւ «Ժառանգությունը» 2012թ.-ից դիտորդի կարգավիճակ են ստացել։
