ՌԴ նախագահ Վլադիմիր Պուտինը կարծում է, որ Ռուսաստանին ոչ թե բռնապետեր են պետք, այլ պետության եւ հասարակության կազմակերպման արդար սկզբունքներ, որոնք ճկուն կարձագանքեն ներքին եւ արտաքին փոփոխություններին։ Այս մասին ռուս նախագահը ասել է ամերիկացի լրագրող Չառլի Ռոուզին տված հարցազրույցում, որը ներկայացրել է Կրեմլի մամուլի ծառայությունը, գրում է Gazeta-ն։
«Եթե մարդը բռնապետական հակումներ ունի, դա մի բան է, իսկ եթե նա ուղղակի արդար ղեկավար է, որը գործում է իր լիազորությունների շրջանակներում եւ ճնշող մեծամասնության շահերից ելնելով, գործում է հետեւողականորեն ու սկզբունքայնորեն, ապա դա արդեն բոլորովին այլ բան է»,- կարծում է ռուս նախագահը։
Նրա կարծիքով Ռուսաստանն ավելի շատ նման մարդկանց կարիք ունի, այլ ոչ թե բռնապետական հակումներով ինչ-որ մեկի։