Թուրքիայի արեւելյան Շրնաք նահանգում ոստիկանները վիրավորված վիճակում ձերբակալել են 24-ամյա Հաջը Լոքման Բիրլիքին, սպանել նրան եւ դիակը կապել ոստիկանական մեքենայից եւ քարշ տվել Շրնաքի փողոցներով։
Թուրքական BirGun-ի փոխանցմամբ՝ Շրնաքում ոստիկանության հատուկ նշանակության ջոկատի անդամների կողմից վիրավորված թուրք երիտասարդին սպանելու եւ դիակը մեքենայով քարշ տալու պնդումներն ու հիշյալ դեպքի լուսանկարը մեծ արձագանք է գտել սոցցանցերում։
Դեպքի ականատեսները պնդել են, թե ոստիկանները մինչ երիտասարդին սպանելը նկարվել են՝ ոտքները տղայի գլխին դրած։
Ոստիկանները նաեւ նկարահանել են քուրդ երիտասարդի դիակը փողոցով քարշ տալը, որի ընթացքում նրանք արդեն մահացած երիտասարդի հասցեին ամենավերջին հայհոյանքներն են տեղում։