Թուրքիայի արտգործնախարարության արձագանքն էժանագին շահարկում է: Այդ մասին NEWS.am-ի հետ զրույցում ասել է ՀՀ ԱԳՆ մամուլի քարտուղար Տիգրան Բալայանը՝ արձագանքելով «Փերինչեքն ընդդեմ Շվեյցարիայի» գործով ՄԻԵԴ-ի կողմից կայացված որոշման վերաբերյալ Թուրքիայի ԱԳՆ հայտարարություններին։
«Թուրքիայի արտգործնախարարության արձագանքն էժանագին շահարկում է, որում, հիմնվելով Մարդու իրավունքների եվրոպական դատարանի երկրորդ պալատի 2013թ. դեկտեմբերի 17-ի որոշման վրա, դատողություններ են արվում նույն գործով ՄԻԵԴ ս.թ. հոկտեմբերի 15-ի որոշման վերաբերյալ։ Սա պարզունակ մանիպուլացիա է»,- նշել է Բալայանը։