Վաղ թե ուշ Ստեփանակերտի օդանավակայանը շահագործվելու է: Այս մասին, այսօր՝ նոյեմբերի 3-ին, լրագրողների հետ հանդիպման ժամանակ նշել է ԼՂՀ կառավարությանն առընթեր Քաղավիացիայի վարչության նախկին պետ, ԽՍՀՄ վաստակավոր օդաչու Դմիտրի Ադբաշյանը:
«Թե երբ շահագործման կհանձնվի օդանավակայանը, քաղաքական հարց է։ Քաղաքական գործիչներն ավելի լավ գիտեն, թե ինչու հիմա թռիչքներ չեն իրականացվում։ 2010 թ.-ի մայիսի 9-ին մենք պատրաստվել էինք՝ թռիչք իրականացնելու։ Մենք ցուցակներն էինք կազմել արդեն, թե ովքեր են թռչելու։ Վերջին պահին մեզ ասացին, որ թռիչքը չի կայանա, նախագահն էլ դեռ ճանապարհին էր, որ չեղյալ հայտարարեցին թռիչքը»,- ասաց Դմիտրի Ադբաշյանը։
Լրագրողների հարցին, թե քաղաքական հարցն Ադրբեջանն է, Ադբաշյանը չցանկացավ այդ մասին խոսել։