ԵՏՄ-ին անդամակցելուց հետո Հայաստանի տնտեսությունը բավականին տուժել է։ Այս մասին նոյեմբերի 6-ին կայացած մամուլի ասուլիսի ժամանակ ասել է տնտեսական գիտությունների դոկտոր, պրոֆեսոր, ԵՊՀ Տնտեսագիտության տեսության ամբիոնի վարիչ Միքայել Միքայելյանը։
Նա նշեց, որ հայտնի չէ, թե որքան են շարունակվելու Ռուսաստանի դեմ գործող պատժամիջոցները։ «Այս տարի նվազել են Հայաստանից արտահանման ծավալները։ Պակասել է քաղաքացիների գնողունակության մակարդակը։ Էապես կրճատվել են Ռուսաստանից կատարվող դրամական փոխանցումները։ Մեծացել է պետական պարտքը։
Տնտեսությունը լավ վիճակում չէ։ Պակասուրդի կտրուկ աճի պարագայում (նախատեսվում է 190 մլրդ դրամ պակասուրդ) 2016թ. բյուջեի նախագիծը լավատեսության առիթ չի տալիս»,- ասել է տնտեսագետը։